నాని బాటలో నాని హీరోయిన్..
- IndiaGlitz, [Monday,August 28 2017]
ఒకే హీరో లేదా హీరోయిన్ నటించిన రెండు సినిమాలు ఒకే రోజున విడుద‌లవ‌డం అనేది వారి చేతుల్లో లేని విష‌య‌మే. అయిన‌ప్ప‌టికీ ఒక్కోసారి అలా జ‌రిగిపోతుంటుంది. రెండేళ్ల క్రితం నేచుర‌ల్ స్టార్ నాని విష‌యంలో.. అత‌ని రెండు సినిమాలు ఒకే రోజు రిలీజ‌య్యాయి. జెండాపై క‌పిరాజు, ఎవ‌డే సుబ్ర‌మ‌ణ్యం చిత్రాలు కొన్ని కార‌ణాల వ‌ల్ల ఒకే రోజున ప్రేక్ష‌కుల ముందుకొచ్చాయి.
క‌ట్‌చేస్తే.. నాని కృష్ణ‌గాడి వీర‌ప్రేమ‌గాధ చిత్రంలో హీరోయిన్‌గా నటించిన మెహ్రీన్ కూడా ఇప్పుడు ఇలాగే ఒకే రోజు రెండు సినిమాల‌తో సంద‌డి చేసే అవ‌కాశం క‌నిపిస్తోంది. సాయిధ‌ర‌మ్ తేజ్ కి జోడీగా నటించిన జ‌వాన్‌, ర‌వితేజ‌కి జంట‌గా నటించిన రాజా ది గ్రేట్ చిత్రాలు దీపావ‌ళి కానుక‌గా అక్టోబ‌ర్ 12న విడుద‌ల‌య్యే అవ‌కాశం ఉంద‌ని వార్త‌లు వినిపిస్తున్నాయి. ఒకే రోజున రిలీజైన నాని సినిమాల్లో ఒక‌టి మాత్ర‌మే హిట్ అయింది. మ‌రి నాని హీరోయిన్ ప‌రిస్థితి ఎలా ఉంటుందో చూడాలి.