మ‌హేష్ సినిమా... మెహ‌ర్ డిస్ట్రిబ్యూట‌ర్‌
- IndiaGlitz, [Sunday,September 01 2019]
మ‌హేష్ సినిమా 'స‌రిలేరు నీకెవ్వ‌రూ' మొద‌లు కాక‌ముందు నుంచే క్రేజ్ తెచ్చుకుంది. పాతిక సినిమాల త‌ర్వాత మ‌హేష్ న‌టిస్తున్న 26వ సినిమా కావ‌డం ఒక అంశ‌మైతే, 'ఎఫ్‌2' త‌ర్వాత అనిల్ రావిపూడి ద‌ర్వ‌క‌త్వంలో రూపొందుతున్న చిత్రం కావ‌డం మ‌రో విశేషం. దేశ‌వ్యాప్తంగా క‌శ్మీర్ ఇష్యూ సంచ‌ల‌నం సృష్టించుకున్న స‌మ‌యంలో అక్క‌డ చిత్రీక‌ర‌ణ జ‌రుపుకున్న చిత్రంగా కూడా 'స‌రిలేరు నీకెవ్వ‌రూ' క్రేజ్ తెచ్చుకుంది. ఈ చిత్రంలో మ‌హేష్ మేజ‌ర్‌గా క‌నిపిస్తున్నారు. ప్ర‌కాష్‌రాజ్‌, డా.రాజేంద్ర‌ప్ర‌సాద్ కీల‌క పాత్ర‌ధారులు. రష్మిక హీరోయిన్‌గా న‌టిస్తోంది. మ‌హేష్ లుక్‌కి ఇప్ప‌టికే సూపర్ రెస్పాన్స్ కూడా వ‌చ్చేసింది.
ఈ సినిమా ఏరియాల వారిగా అమ్ముడు పోవ‌డం మొద‌లైంది. తాజాగా మెహ‌ర్ ర‌మేష్ డిస్ట్రిబ్యూట‌ర్‌గా మారి స‌రిలేరు నీకెవ్వ‌రూ గుంటూరు హక్కులను సొంతం చేసుకున్నారు. ప‌ద్మాక‌ర్ సినిమాస్ సంస్థ‌పై ఆయన ఈ హక్కులను సొంతం చేసుకున్నారు. స‌రిలేరు నీకెవ్వ‌రూ షూటింగ్ శ‌ర‌వేగంగా జ‌రుగుతోంది. ఎ.కె.ఎంట‌ర్‌టైన్‌మెంట్స్, శ్రీ వెంక‌టేశ్వ‌ర క్రియేష‌న్స్, జి మ‌హేష్‌బాబు ఎంట‌ర్‌టైన్‌మెంట్ నిర్మిస్తున్నాయి. రాంబ్ర‌హ్మం సుంక‌ర, దిల్‌రాజు, మ‌హేష్‌బాబు నిర్మిస్తున్నారు. దేవిశ్రీ ప్ర‌సాద్ సంగీతం అందిస్తున్నారు. విజ‌య‌శాంతికి ఈ సినిమా క‌మ్‌బ్యాక్ సినిమా అవుతుంది. ఇందులో ఆమె ప‌వ‌ర్‌ఫుల్ రోల్ చేస్తున్న‌ట్టు వినికిడి. ఈ చిత్రాన్ని సంక్రాంతి సంద‌ర్భంగా 2020 జ‌న‌వ‌రి 12న విడుదల చేయ‌డానికి స‌న్నాహాలు జ‌రుగుతున్నాయి. ఈ చిత్రం కోసం క‌ర్నూలు కొండారెడ్డి బురుజును రామోజీ ఫిల్మ్ సిటీలో రూపొందించారు. రూ.4కోట్ల వ్య‌యంతో ఈ బురుజు సెట్ వేశారు. మ‌హేష్ కెరీర్లో సూపర్ హిట్ చిత్రం ఒక్క‌డులోనూ కొండారెడ్డి బురుజు క‌నిపించ‌డం విశేషం. సో హిట్ సెంటిమెంట్‌ను ఫాలో అవుతున్నార‌న్న‌మాట చిత్ర యూనిట్‌.