இங்கிலாந்து இளவரசர் ஹாரி கடந்த ஆண்டு மே மாதம் தனது காதலி மேஹனை திருமணம் செய்து கொண்ட நிலையில் தற்போது மேஹன் கர்ப்பமாக உள்ளார். அவருக்கு வரும் மே மாதம் குழந்தை பிறக்கும் என எதிர்பார்க்கப்படுகிறது.

இந்த நிலையில் கிறிஸ்துவ முறைப்படி ஒரு குழந்தைக்கு ஞானஸ்தானம் செய்ய, பெற்றோர்களுக்கு நெருக்கமான ஒரு ஜோடி தேர்வு செய்யப்படுவதுண்டு. அந்த வகையில் ஹாரி-மேஹன் தம்பதிக்கு பிறக்கும் குழந்தையின் ஞானத்தாயாக நம்மூர் நடிகை பிரியங்கா சோப்ராவும், ஞானத்தந்தையாக அவருடைய கணவர் நிக் ஜோன்ஸ் அவர்களையும் நியமானம் செய்ய பரிசீலனை நடந்து வருவதாக தெரிகிறது.

மேஹனின் நெருங்கிய தோழிகளில் ஒருவர் பிரியங்கா சோப்ரா என்பதும், மேஹனின் திருமணத்தில் கலந்து கொள்ள அழைப்பு விடுக்கப்பட்ட மிகச்சிலரில் பிரியங்காவும் ஒருவர் என்பதும் குறிப்பிடத்தக்கது.

நடிகை பிரியாங்கா சோப்ரா, விஜய் நடித்த 'தமிழன்' படத்தின் மூலம் திரையுலகில் அறிமுகமாகி இன்று பாலிவுட், ஹாலிவுட்டில் புகழ்பெற்ற நடிகையாக உள்ளார் என்பது தெரிந்ததே!