'24' இயக்குனரின் அடுத்த படத்தில் தனுஷ் நாயகி
- IndiaGlitz, [Monday,November 21 2016]
தனுஷ் நடிப்பில் கவுதம் மேனன் இயக்கி வரும் 'எனை நோக்கி பாயும் தோட்டா' திரைப்படத்தின் அடுத்தகட்ட படப்பிடிப்பு விரைவில் தொடங்கவுள்ளது என்பதை ஏற்கனவே பார்த்தோம். இந்நிலையில் இந்த படத்தின் நாயகியாக நடித்து வரும் மேகா ஆகாஷ் நடிக்கும் அடுத்த படம் குறித்த தகவல்கள் தற்போது வெளிவந்துள்ளது.
சூர்யாவின் வெற்றி படமான '24' படத்தை இயக்கிய இயக்குனர் விக்ரம் குமார் இயக்கவுள்ள அடுத்த படத்தில் மேகா ஆகாஷ் நடிக்கவுள்ளதாகவும், இந்த படத்தில் நாகார்ஜுனா மகன் அகில் நாயகனாக நடிக்கவுள்ளதாகவும் கூறப்படுகிறது. மேலும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவுள்ளார். விக்ரம்குமாரின் '24' படத்திலும் ஏ.ஆர்.ரஹ்மான் தான் இசையமைத்தார் என்பது குறிப்பிடத்தக்கது.
இந்த படம் குறித்த அதிகாரபூர்வ அறிவிப்பு விரைவில் வெளிவரும் என்றும் இந்த படத்தின் மற்ற நடிகர், நடிகையர் மற்றும் தொழிநுட்ப கலைஞர்களின் தேர்வு நடைபெற்று வருவதாகவும் கூறப்படுகிறது.