చైనాకు మెగాస్టార్...
- IndiaGlitz, [Friday,March 22 2019]
మెగాస్టార్ చిరంజీవి ఈ ఎన్నిక‌ల స‌మ‌యంలో ఇక్క‌డ ఉండ‌టం లేదా? అంటే అవున‌నే అంటున్నాయి సినీ వ‌ర్గాలు. ఎందుకంటే 'సైరా నరసింహారెడ్డి' సినిమా కోసం అని వార్త‌లు విన‌ప‌డుతున్నాయి. చారిత్రాత్మ‌క నేప‌థ్యంలో తెర‌కెక్కుతోన్న 'సైరా న‌ర‌సింహా రెడ్డి'. మెగాస్టార్ చిరంజీవి న‌టిస్తున్న 151వ చిత్రం. దేశ స్వాతంత్ర్యం కోసం పోరాడిన తొలి యోధుడు ఓ తెలుగువాడు.. ఆయ‌నే ఉయ్యాల‌వాడ న‌ర‌సింహా రెడ్డి. ఆయ‌న జీవిత చ‌రిత్ర‌నే 'సైరా నరసింహారెడ్డి'గా తెర‌కెక్కిస్తున్నారు.
భారీ బ‌డ్జెట్‌తో సురేంద‌ర్ రెడ్డి ద‌ర్శ‌క‌త్వంలో 200 కోట్ల రూపాయ‌ల‌తో నిర్మాత రాంచ‌ర‌ణ్ ప్రెస్టీజియ‌స్‌గా రూపొందిస్తున్న చిత్ర‌మిది. ఈ సినిమాను ఈ ఏడాది ద్వితీయార్థంలో విడుద‌ల చేయాల‌నుకుంటున్నారు. కొర‌టాల శివ వెయిటింగ్‌లో ఉండటంతో.. మ‌రో రెండు నెలల్లో షూటింగ్ పూర్తి చేయాల‌ని చిరు భావిస్తున్నారు. చిత్రీక‌ర‌ణ‌లో భాగంగా 20 రోజుల పాటు యాక్ష‌న్ స‌న్నివేశాల‌ను చైనాలో చిత్రీక‌రించేలా ప్లాన్స్ చేస్తున్నారు. ఆ షెడ్యూల్ వ‌చ్చే నెల‌లోనే ఉండటంతో ఎన్నిక‌ల స‌మయానికి చిరు చైనాలో ఉండ‌బోతున్నారట.