మెగాస్టార్ ప్రొమో వ‌చ్చేసింది అన‌గానే ఖైదీ నెం 150 లేటెస్ట్ ప్రొమో వ‌చ్చింది అనుకుంటే పొర‌పాటే..! అస‌లు విష‌యం ఏమిటంటే...బుల్లితెర పై కింగ్ నాగార్జున మీలో ఎవ‌రు కోటీశ్వ‌రుడు కార్య‌క్ర‌మాని వ్యాఖ్యాతగా వ్య‌వ‌హ‌రించిన విష‌యం తెలిసిందే. ఇప్ప‌టి వ‌ర‌కు మీలో ఎవ‌రు కోటీశ్వ‌రుడు మూడు సీజ‌న‌ల‌ను నిర్వ‌హించారు. అయితే...నాలుగో సీజ‌న్ కు చిరంజీవి వ్యాఖ్యాత‌గా వ్య‌వ‌హ‌రించ‌నుండ‌డం విశేషం.

ఈ నాలుగ‌వ సీజ‌న్ కు సంబంధించి ఓ టీజ‌ర్ ను రిలీజ్ చేసారు. మీ హృద‌యాన్ని కొల్ల‌గొట్టిన‌వాడు...మీతో కోటి గెలిపించ‌డానికి వ‌స్తున్నాడు అంటూ చిరంజీవిని చూపిస్తూ రిలీజ్ చేసిన టీజ‌ర్ విశేషంగా ఆక‌ట్టుకుంటుంది. డిసెంబ‌ర్ 12 నుంచి మాటీవీలో ఈ షో ప్రారంభం కానుంద‌ని సమాచారం..! సామాన్యుడు స్ధాయి నుంచి అసామాన్యుడు స్ధాయికి ఎదిగిన మెగాస్టార్ చేయ‌నున్న మీలో ఎవ‌రు కోటీశ్వ‌రుడు నాలుగ‌వ సీజ‌న్ ఏస్ధాయిలో విజ‌యం సాధిస్తుందో చూడాలి..!