Chiranjeevi:తగ్గేదే లేదంటోన్న మెగాస్టార్.. ఇద్దరు యువ దర్శకులకు గ్రీన్ సిగ్నల్, కూతురిని నిలబెట్టాలనే యత్నం
- IndiaGlitz, [Saturday,May 06 2023]
లేటు వయసులో కుర్ర హీరోలకు పోటీనిస్తూ వరుసపెట్టి సినిమాలు చేస్తున్నారు మెగాస్టార్ చిరంజీవి. ఈ ఏడాది సంక్రాంతికి ‘వాల్తేర్ వీరయ్య’తో సాలిడ్ హిట్ కొట్టారు చిరు. ప్రస్తుతం ఆయన మెహర్ రమేశ్ దర్శకత్వంలో ‘‘భోళా శంకర్’’ సినిమా చేస్తున్నారు. ఆగస్ట్ 11న ఈ మూవీని రిలీజ్ చేస్తున్నట్లు మేకర్స్ ప్రకటించారు. దీంతో షూటింగ్‌ను అత్యంత వేగంగా కంప్లీట్ చేస్తున్నారు మెగాస్టార్. ఏకే ఎంటర్‌టైన్‌మెంట్స్ బ్యానర్‌పై అనిల్ సుంకర ఈ చిత్రాన్మి నిర్మిస్తున్నారు. మెలోడీ బ్రహ్మా మణిశర్మ ఈ సినిమాకు స్వరాలు సమకూరుస్తున్నారు.
కళ్యాణ్ కృష్ణ, వశిష్ట్‌లతో చిరంజీవి సినిమా :
అయితే దీని తర్వాత చిరంజీవి ఏ సినిమా చేస్తున్నారనే దానిపై ఉత్కంఠ నెలకొంది. తఈ నేపథ్యంలో సస్పెన్స్‌కు తెరదించారు చిరంజీవి. ఇద్దరు కొత్త దర్శకులతో కలిసి నటించనున్నారు. సోగ్గాడే చిన్ని నాయనా, బంగార్రాజు సినిమాలకు దర్శకత్వం వహించిన కళ్యాణ్ కృష్ణకు చిరు గ్రీన్ సిగ్నల్ ఇచ్చారు. ఈ మూవీకి మెగాస్టార్ కుమార్తె సుస్మిత కొణిదెల నిర్మాతగా వ్యవహరించనున్నారు. ఇప్పటికే వెబ్ సిరీస్‌లుచ, పలు సినిమాలను నిర్మించడం ద్వారా సుస్మిత నిర్మాణ రంగంలో అనుభవాన్ని సంపాదించారు. అయితే నిర్మాతగా మరింత నిలదొక్కుకోవడానికి ఆమెకు సాలిడ్ హిట్ కావాలి. ఈ నేపథ్యంలోనే ఆమెకు సహాయం చేయడానికి చిరంజీవి ఈ సినిమా చేయడానికి అంగీకరించారు. దీనితో పాటు బింబిసార ఫేమ్ వశిష్ట్‌తో మరో సినిమా చేసేందుకు చిరంజీవి గ్రీన్ సిగ్నల్ ఇచ్చారు. యూవీ క్రియేషన్స్ ఈ చిత్రాన్ని నిర్మించనుంది.