ముఖ్య అతిథిగా మెగాస్టార్...
- IndiaGlitz, [Tuesday,March 28 2017]
తన సినిమాల స‌బ్జెక్ట్స్ ఎంపిక‌లో ఫుల్ బిజీగా ఉన్న మెగాస్టార్ త‌ర్వ‌లోనే తన 151వ సినిమాను స్టార్ట్ చేయ‌బోతున్నాడు. మెగాస్టార్ చిరంజీవి సినిమాల్లోకి రీ ఎంట్రీ ఇచ్చిన తర్వాత మెగా హీరోల ఫంక్ష‌న్స్‌కు రావ‌డం మానేశాడు. అయితే చిరంజీవిని మెగా బ్ర‌ద‌ర్ తనయుడు వరుణ్తేజ్ మిస్టర్ వేడుకకు ప్ర‌త్యేకంగా ఆహ్వానించాడ‌ట. ఈ వేడుకకు మెగాస్టార్ చిరంజీవి ముఖ్య అతిథిగా హాజ‌ర‌వుతార‌ని వార్త‌లు విన‌ప‌డుతున్నాయి.
వరుణ్తేజ్, లావ‌ణ్య‌త్రిపాఠి, హెబ్బా ప‌టేల్ హీరో హీరోయిన్లుగా శ్రీనువైట్ల దర్శకత్వంలో ల‌క్ష్మీ న‌ర‌సింహా ప్రొడ‌క్ష‌న్స్ బ్యాన‌ర్‌పై రూపొందుతోన్న చిత్రం 'మిస్టర్'.మిక్కి సంగీతం అందించిన ఈ సినిమా ఆడియో విడుద‌ల కార్య‌క్ర‌మం మార్చి 29న జ‌ర‌గ‌నుంది. సినిమాను ఏప్రిల్ 14న విడుద‌ల చేస్తారు. అల్రెడి విడుద‌లైన ట్రైల‌ర్‌కు ఆడియెన్స్ నుండి చాలా మంచి రెస్పాన్స్ వ‌చ్చింది.