ఉత్తమ కుటుంబకథా చిత్రాల నిర్మాతగా పేరున్న ప్ర‌ముఖ నిర్మాత దిల్ రాజు నిర్మాణం లో, శ్రీ వెంకటేశ్వర క్రియేషన్స్ సంస్థ నిర్మిస్తున్న చిత్రం శ‌త‌మానం భ‌వ‌తి. ఈ చిత్రంలో శ‌ర్వానంద్, అనుప‌మ ప‌ర‌మేశ్వ‌ర‌న్ జంట‌గా న‌టించారు. ప్ర‌కాష్ రాజ్, జ‌య‌సుధ ప్ర‌ధాన పాత్ర‌లు పోషించారు. ఈ చిత్రానికి వేగేశ్న స‌తీష్ ద‌ర్శ‌క‌త్వం వ‌హించారు.

మూడుత‌రాల అనుబంధం క‌థాంశంగా అన్నివ‌ర్గాల ప్రేక్ష‌కుల‌ను అల‌రించే ఒక అందమైన కుటుంబ కథా చిత్రంగా ఈ చిత్రం రూపొందింది. మిక్కీ జే మేయ‌ర్ సంగీతం అందించిన శ‌త‌మానంభ‌వ‌తి ఆడియోను ఈనెల 18న రిలీజ్ చేయ‌నున్నారు. ఈ కార్య‌క్ర‌మానికి మెగాస్టార్ చిరంజీవి ముఖ్య అతిధిగా హాజ‌రు కానున్నారు. ఈ చిత్రాన్ని సంక్రాంతి కానుక‌గా రిలీజ్ చేయ‌నున్నారు.