మెగాస్టార్ చిరంజీవి రెండు బిగ్‌బాస్ ఫైన‌ల్స్‌కు ముఖ్య అతిథిగా హాజ‌ర‌య్యారు. బిగ్‌బాస్ సీజ‌న్ 3, సీజ‌న్ 4 కంటెస్టెంట్స్‌ను పోల్చి చూస్తే.. బిగ్‌బాస్ సీజ‌న్ 4 కంటెస్టెంట్ మెగాస్టార్ వ‌రాల జ‌ల్లు కురిపిస్తున్నారు. ఇప్ప‌టికే దివికి త‌న వేదాళం రీమేక్‌లో న‌టించే అవ‌కాశం క‌ల్పించిన మెగాస్టార్‌..సోహైల్ సినిమాలో మంచి పాత్ర ఇస్తే త‌ప్ప‌కుండా న‌టిస్తాన‌ని కూడా అన్నాడు. ఇవి కాకుండా రీసెంట్‌గా ఆచార్య ఫైన‌లిస్ట్‌లో ఒక‌రైన మెహ‌బూబ్‌కు అవ‌కాశం ఇచ్చాడ‌ని వార్త‌లు వినిపిస్తున్నాయి. 

ఇవ‌న్నీ ఒక ఎత్తైతే, రీసెంట్‌గా మ‌రో కంటెస్టెంట్‌కు మెగాస్టార్ చిరంజీవి త‌న లేటెస్ట్ మూవీ లూసిఫ‌ర్ రీమేక్‌లో అవ‌కాశం ఇచ్చాడ‌ని వార్తలు వినిపిస్తున్నాయి. ఇంత‌కీ మెగాస్టార్ చిరంజీవి అవ‌కాశం ఇచ్చిన బిగ్‌బాస్ కంటెస్టెంట్ ఎవ‌రో కాదు..బిగ్‌బాస్ 4 విజేత అభిజీత్‌. సినీ వ‌ర్గాల స‌మాచారం మేర‌కు లూసిఫ‌ర్ రీమేక్‌లో యంగ్ సీఎం.. చిరంజీవి సోద‌రుడు పాత్ర‌లో అభిజీత్ క‌నిపించ‌నున్నాడ‌ట‌. జ‌న‌వ‌రి 20నుంచి మోహ‌న్‌రాజా ద‌ర్శ‌క‌త్వంలో లూసిఫ‌ర్ తెలుగు రీమేక్ రూపొంద‌నుంది. ఈ చిత్రానికి బైరెడ్డి అనే టైటిల్ ప‌రిశీల‌న‌లో ఉన్న‌ట్లు స‌మాచారం.