ఉగాదికి మెగా సంద‌డి నెల‌కొంది. ఒక ప‌క్క జ‌క్క‌న్న ద‌ర్శ‌క‌త్వంలో ఎన్టీఆర్‌తో క‌లిసి రామ్‌చ‌ర‌ణ్ క‌లిసి న‌టిస్తోన్న భారీ చిత్రం ‘రౌద్రం ర‌ణం రుధిరం’ మోషన్ పోస్టర్‌ను విడుద‌ల చేశారు. ఆ ఊపు స‌ద్దుమ‌ణ‌గ‌క ముందే మ‌న్నెందొర అల్లూరి సీతారామ‌రాజు పాత్ర‌లో రామ్‌చ‌ర‌ణ్ లుక్‌ను చిత్ర యూనిట్ విడుద‌ల చేసింది. దీనికి వ‌స్తోన్న రెస్పాన్స్ గురించి ప్ర‌త్యేకంగా చెప్ప‌న‌క్క‌ర్లేదు. ఈ సంద‌డి సద్దుమణ‌గ‌క ముందే మెగాస్టార్ చిరంజీవి సంద‌డి చేయ‌డానికి సిద్ధ‌మ‌వుతున్నాడు. ఇండ‌స్ట్రీలో విన‌ప‌డుతున్న వార్త‌ల మేర‌కు శ్రీరామన‌వ‌మికి చిరంజీవి, కొర‌టాల కాంబినేష‌న్‌లో రూపొందుతోన్న సినిమా ఫ‌స్ట్ లుక్‌, మోష‌న్‌పోస్ట‌ర్‌ను విడుద‌ల చేస్తున్నార‌ట‌. అదే క‌నుక నిజ‌మైతే మెగాభిమానుల‌కు పండ‌గే.

మెగాస్టార్ చిరంజీవి 152వ సినిమా ‘ఆచార్య‌’ కొర‌టాల శివ ద‌ర్శ‌క‌త్వంలో తెర‌కెక్కుతోన్న సంగ‌తి తెలిసిందే. ఇప్ప‌టికే కొంత మేర‌కు చిత్రీక‌ర‌ణ పూర్త‌య్యింది. అయితే ఈ సినిమా అనుకున్న‌ప్ప‌టి నుండి మేకింగ్‌లో ఏదో ఒక అవాంత‌రం ఏర్ప‌డుతూనే ఉంది. తాజాగా కరోనా వైరస్ ప్రభావంతో చిత్రీకరణ ఆగి ఉంది. కాజ‌ల్ అగ‌ర్వాల్ హీరోయిన్‌గా న‌టిస్తోన్న ఈ చిత్రంలో మెగాప‌వ‌ర్‌స్టార్ రామ్‌చ‌ర‌ణ్ ఓ కీల‌క పాత్ర‌లో న‌టిస్తున్నాడు.