రానాతో మెగా హీరో...
- IndiaGlitz, [Tuesday,January 02 2018]
విల‌క్ష‌ణ‌మైన సినిమాల‌తో ప్రేక్ష‌కుల‌ను మెప్పిస్తున్న యువ న‌టుల్లో రానా ద‌గ్గుబాటి ఒక‌రు. డిఫ‌రెంట్ స‌బ్జెక్ట్స్‌ను ఎంచుకుని వాటిక‌నుగుణంగా ఆయా పాత్ర‌ల్లో ఒదిగిపోతుంటారు. గ‌త ఏడాది 'బాహుబ‌లి'లో ప్ర‌తినాయ‌కుడు భ‌ళ్లాల‌దేవ‌గా, 'ఘాజీ'లో నేవీ ఆఫీస‌ర్ అర్జున్‌గా, 'నేనే రాజు నేనే మంత్రి'లో పొలిటీషియ‌న్ జోగేంద్ర‌గా క‌న‌ప‌డ్డాడు.
ఈ ఏడాదిన మ‌ల‌యాళంలో 'రాజా మార్తాండ‌వ‌ర్మ'గా, తెలుగులో '1948' సినిమాతో పాటు తెలుగు, త‌మిళం, హిందీ భాషల్లో 'హ‌థీ మేరే సాథి' సినిమాలో న‌టిస్తున్నాడు. ప్ర‌భు సాల్మ‌న్ ద‌ర్శ‌క‌త్వంలో సినిమా రూపొంద‌నుంది. థాయ్‌లాండ్‌లో సినిమా ఎక్కువ భాగం చిత్రీక‌ర‌ణ‌ను జ‌రుపుకోనుంది. ఈ సినిమాలో రానా మెయిన్ లీడ్‌గా న‌టిస్తుంటే..మెగా హీరో వ‌రుణ్ తేజ్ ఓ కీల‌క పాత్ర‌లో న‌టిస్తున్నాడ‌ని స‌మాచారం. అంటే ఇదొక మ‌ల్టీస్టార‌ర్‌గా రూపొందుతుంది.