బాలయ్య శాతకర్ణి గురించి మెగాహీరో ట్వీట్..!
- IndiaGlitz, [Thursday,January 12 2017]
నందమూరి నటసింహం బాలకృష్ణ నటించిన 100వ చిత్రం గౌతమీపుత్ర శాతకర్ణి. ఈరోజు ప్రపంచ వ్యాప్తంగా రిలీజైంది. అటు అభిమానులు, ఇటు ఇండ‌స్ట్రీ నుంచి సినీ ప్ర‌ముఖులు బాలయ్య గౌతమీపుత్ర శాతకర్ణి చిత్రం అద్భుతంగా ఉంది అంటూ అభినంద‌న‌లు తెలియ‌చేస్తున్నారు. అయితే...గౌతమీపుత్ర శాతకర్ణి గురించి మెగా హీరో సాయిధ‌ర‌మ్ తేజ్ ట్వీట్ చేయ‌డం విశేషం.
ఇంత‌కీ సాయిధ‌ర‌మ్ తేజ్ ఏమ‌ని ట్వీట్ చేసాడంటే....గౌతమీపుత్ర శాతకర్ణి గురించి గ్రేట్ రిపోర్ట్స్ విన్నాను. టీమ్ అంద‌రికీ కంగ్రాట్స్. ఎన్.బి.కె గారు మాలో చాలా మందికి స్పూర్తి అంటూ ట్వీట్ చేసారు. చిరంజీవి, బాలకృష్ణ అభిమానుల మ‌ధ్య పోటీ ఉన్నా...మెగా హీరోలు అల్లు అర్జున్, సాయిధ‌ర‌మ్ తేజ్ గౌతమీపుత్ర శాతకర్ణి గురించి ట్వీట్ చేయ‌డం విశేషం..!