మెగా హీరో హ్యాట్రిక్ కొడతాడా?
- IndiaGlitz, [Monday,December 18 2017]
అల్లు అర‌వింద్ త‌న‌యుడు, అల్లు అర్జున్ త‌మ్ముడు అనే ట్యాగ్‌లైన్స్‌తో తెలుగు తెర‌కు క‌థానాయ‌కుడిగా ప‌రిచ‌య‌మ‌య్యాడు యంగ్ హీరో అల్లు శిరీష్. తొలి చిత్రం గౌర‌వం ఆశించిన విజ‌యం సాధించ‌క‌పోయినా.. రెండో చిత్రం కొత్త జంట‌తో తొలి హిట్‌ని సొంతం చేసుకున్నాడు శిరీష్. మారుతి ద‌ర్శ‌క‌త్వంలో వ‌చ్చిన ఈ చిత్రం త‌రువాత.. శ్రీ‌ర‌స్తు శుభ‌మ‌స్తు సినిమా చేశాడు. ఫ్యామిలీ ఎంట‌ర్‌టైన‌ర్‌గా యువ ద‌ర్శ‌కుడు ప‌రశురామ్ తెర‌కెక్కించిన ఈ సినిమా కూడా బాక్సాఫీస్ వ‌ద్ద మంచి ఫ‌లితాన్నే న‌మోదు చేసుకుంది.
ఈ నేప‌థ్యంలో రెండు విజ‌యాల త‌రువాత శిరీష్ నుంచి మూడో చిత్రం రానుంది. ఆ చిత్ర‌మే ఒక్క క్ష‌ణం. ఎక్క‌డికి పోతావు చిన్న‌వాడా వంటి విజ‌యవంత‌మైన చిత్రం త‌రువాత వి.ఐ.ఆనంద్ ద‌ర్శ‌క‌త్వంలో తెర‌కెక్కుతున్న ఈ చిత్రంలో సుర‌భి క‌థానాయిక‌గా న‌టించింది. ఇప్ప‌టికే విడుద‌లైన టీజ‌ర్ ఆస‌క్తిక‌రంగా ఉండ‌డంతో సినిమాపై మంచి అంచ‌నాలే ఏర్ప‌డ్డాయి. ఒక‌వేళ ఆ అంచ‌నాల‌ను గ‌నుక ఈ సినిమా అందుకుంటే.. శిరీష్ ఖాతాలో మ‌రో విజ‌యం ప‌డిన‌ట్లే. మ‌రి శిరీష్ హ్యాట్రిక్ కొడ‌తాడో లేదో తెలియాలంటే.. మ‌రో ప‌ది రోజులు వెయిట్ చేయ‌క త‌ప్ప‌దు.