మెగా హీరోల్లో మెగా ప‌వ‌ర్‌స్టార్ రామ్‌చ‌ర‌ణ్ హీరోగానే కాదు.. నిర్మాత‌గా కూడా సినిమాలు చేస్తున్నాడు. కొణిదెల ప్రొడ‌క్ష‌న్స్ బ్యాన‌ర్‌పై రామ్‌చ‌ర‌ణ్ ఇప్ప‌టి వ‌ర‌కు చిరంజీవి హీరోగా 'ఖైదీ నంబ‌ర్ 150' చిత్రాన్ని నిర్మించ‌గా.. తాజాగా చిరు 151వ చిత్రం 'సైరా న‌ర‌సింహారెడ్డి' చిత్రాన్ని కూడా నిర్మిస్తున్నాడు. కాగా ఇప్పుడు బ‌య‌టి హీరోతో ఓ సినిమా చేయ‌బోతున్నాడ‌ని స‌మాచారం.

వివ‌రాల్లోకెళ్తే.,. అఖిల్ అక్కినేని ప్ర‌స్తుతం 'మిస్ట‌ర్ మ‌జ్ను' చిత్రంలో న‌టిస్తున్నాడు. ఇది పూర్తి కాగానే.. బోయ‌పాటి శీను ద‌ర్శ‌క‌త్వంలో అఖిల్ ఓ సినిమా చేస్తాడ‌ట‌. దాన్ని రామ్‌చ‌ర‌ణ్ నిర్మాత‌గా కొణిదెల ప్రొడ‌క్ష‌న్స్ బ్యాన‌ర్‌పై నిర్మిస్తాడ‌ట‌. మ‌రి దీనిపై ఇటు మెగా కాంపౌండ్ .. అటు అక్కినేని కాంపౌండ్ ఎలా స్పందిస్తుందో చూడాలి.