కరోనా మహమ్మారి కారణంగా ఆగిపోయిన షూటింగ్‌లన్నీ క్రమక్రమంగా తిరిగి ప్రారంభమవుతున్నాయి. దీంతో హీరోలంతా ఇప్పుడిప్పుడే బయటకు వస్తున్నారు. కాగా ఒక్కొక్కరూ రకరకాల గెటప్స్‌తో కనిపిస్తున్నారు. ఇప్పటికే యంగ్ హీరో నితిన్ ‘రంగ్‌దే’ సినిమా షూటింగ్‌ను స్టార్ట్ చేయగా.. మెగా హీరో సాయి తేజ్ కూడా కొత్త సినిమా షూటింగ్ కోసం సిద్ధమవుతున్నాడు. ఇప్పటికే ‘సోలో బ్రతుకే సో బెటరు’ సినిమా షూటింగ్‌ను పూర్తి చేసిన సాయితేజ్ వచ్చే నెల నుంచి కొత్త సినిమా షూటింగ్‌లో పాల్గొనబోతున్నాడు.

సాయితేజ్‌కి సంబంధించిన కొత్త సినిమా విశేషాలు సోషల్ మీడియాలో వైరల్ అవుతున్నాయి. ఈ యంగ్ హీరో.. ప్రస్థానం డైరెక్టర్ దేవకట్టా దర్శకత్వంలో నటించనున్నాడు. ఈ సినిమా పొలిటికల్ బ్యాక్ డ్రాప్‌లో తెరకెక్కబోతోంది. ఇప్పటి వరకూ లవర్ బాయ్‌గానే కనిపించిన సాయితేజ్ తొలిసారి పొలిటికల్ బ్యాక్‌డ్రాప్‌లో చేసేందుకు సిద్ధమవుతున్నాడు. ఇప్పటికే ప్రి ప్రొడక్షన్ పూర్తి చేసుకున్న ఈ సినిమా వచ్చే నెల రెండో వారం నుంచి పట్టాలెక్కనుంది. ఇప్పటికే పొలిటికల్ బ్యాక్ డ్రాప్ సినిమాల్లో నటించి మహేష్, రానా సక్సెస్ మంచి హిట్ కొట్టారు. సాయి తేజ్ కూడా ఈ సినిమా కలిసొస్తుందని ఆశిద్దాం.