మెగా హీరో సాయిథ‌ర‌మ్ తేజ్ ప్ర‌స్తుతం సుప్రీమ్ సినిమాలో న‌టిస్తున్నారు. ప‌టాస్ ఫేం అనిల్ రావిపూడి తెర‌కెక్కిస్తున్న సుప్రీమ్ ఏప్రిల్ 1న ప్రేక్ష‌కుల ముందుకు వ‌చ్చేందుకు రెడీ అవుతుంది. ఇదిలా ఉంటే...సాయిథ‌ర‌మ్ తేజ్ - మ‌లినేని గోపీచంద్ తో సినిమా చేయ‌నున్నాడు. ఈ చిత్రాన్ని న‌ల్ల‌మ‌ల‌పు బుజ్జి నిర్మిస్తున్నారు. ఈ చిత్రంలో ఇద్ద‌రు హీరోయిన్స్ కి అవ‌కాశం ఉంద‌ట‌.

అయితే ఆ ఇద్ద‌రి హీరోయిన్స్ ఎవ‌రైతే బాగుంటారా అని ఆలోచించి ఫైన‌ల్ గా రెజీనా - లావ‌ణ్య త్రిపాఠి ని ఫైన‌ల్ చేసార‌ట‌. రెజీనా తేజు తో పిల్లా నువ్వులేని జీవితం, సుబ్ర‌మ‌ణ్యం ప‌ర్ సేల్ చిత్రాల్లో న‌టించింది. లావ‌ణ్య త్రిపాఠి ఇప్ప‌టి వ‌ర‌కు తేజు తో న‌టించ‌లేదు. తేజు ఈ ఇద్ద‌రి భామ‌ల‌తో రొమాన్స్ చేయ‌డానికి రెడీ అవుతున్న ఈ సినిమాని త్వ‌ర‌లో ప్రారంభించ‌నున్నారు.