ఇప్పుడు మెగాఫ్యాన్స్ కంగారు ప‌డుతున్నార‌ట‌. అందుకు కార‌ణంగా మెగాస్టార్ చిరంజీవి ఓ డిజాస్ట‌ర్ డైరెక్ట‌ర్‌తో సినిమా చేయ‌బోతున్నాన‌ని రీసెంట్‌గా ప్ర‌క‌టించ‌డ‌మే. వివరాల్లోకెళ్తే.. మెగాస్టార్ చిరంజీవి క‌రోనా వేళ సినీ కార్మికుల‌కు సీసీసీ మ‌న‌కోసం సంస్థ ఎలా పాటుప‌డుతుంద‌నే విష‌యాన్ని తెలియ‌జేస్తూ ఇంట‌ర్వ్యూ ఇచ్చారు. అందులో తదుపరి సినిమాలు, దర్శకులు గురించి మాట్లాడుతూ మెహర్ రమేష్‌తో కూడా సినిమా చేయబోతున్నట్లు తెలిపారు. ఇది విన్న ఆయన అభిమానులు షాక్ అవుతున్నారు.

అందుకు కారణం ఇదివరకు మెహర్ రమేష్‌కు ఒక హిట్ కూడా లేకపోవడమే. గతంలో మెహర్ రమేష్ ఎన్టీఆర్‌తో కంత్రి, శక్తి సినిమాలను తెరకెక్కించారు. అలాగే ప్రభాస్‌తో బిల్లా, వెంకటేష్‌తో షాడో సినిమాలను డైరెక్ట్ చేశారు మెహర్. అయితే అన్నీ సినిమాలు డిజాస్టర్ అయ్యాయి. దీంతో హీరోలందరూ మెహర్ ర‌మేష్‌ను దూరం పెట్టారు. ఏదైతేనేం ఎట్టకేలకు మెహర్ రమేష్ చిరంజీవితో సినిమా చేయడానికి సిద్ధమయ్యాడు . ఇటీవల చిరుని కలిసి కథ కూడా చెప్పాడట. మరి అన్నీ చ‌క్క‌గా కుదిరితే చిరంజీవితో మెహర్ రమేష్ సినిమా పక్క అయినట్లే. ఈ సినిమాపై మ‌రింత క్లారిటీ రావాలంటే మ‌రికొన్ని రోజులు ఆగాల్సిందే.