మెగాస్టార్ చిరంజీవి ఫ్యాన్స్‌కు రెండు పెద్ద కోరిక‌లు మిగిలిపోయాయి. అవేంటంటే ద‌ర్శ‌క‌ధీరుడు రాజ‌మౌళి ద‌ర్శ‌క‌త్వంలో చిరంజీవి న‌టించ‌డం, మ‌రో స్టార్ డైరెక్ట‌ర్ శంక‌ర్ ద‌ర్శ‌క‌త్వంలోనూ చిరంజీవి న‌టించ‌డం. ఇందులో రాజ‌మౌళి సినిమాలో అంటే .. మ‌గ‌ధీర‌లో చిన్న అతిథి పాత్ర‌లో అయినా క‌నిపించారు. కానీ ఇంత వ‌ర‌కు శంక‌ర్ ద‌ర్శ‌క‌త్వంలో చిరు సినిమా తెర‌కెక్క‌నేలేదు. మెగాఫ్యాన్స్ కూడా శంక‌ర్ వంటి స్టార్ డైరెక్ట‌ర్‌తో చిరు సినిమా చేయాల‌ని బ‌లంగా కోరుకున్నారు. కానీ ఇప్ప‌టి వ‌ర‌కు ఆ కోరిక తీర‌నే లేదు. అయితే త్వ‌ర‌లోనే ఆ కోరిక తీర‌నుంద‌ని స‌మాచారం.

సోష‌ల్ మీడియా వ‌ర్గాల్లో విన‌ప‌డుతోన్న స‌మాచారం మేర‌కు స్టార్ డైరెక్ట‌ర్ శంక‌ర్ ద‌ర్శ‌క‌త్వంలో చిరంజీవి సినిమా చేయ‌బోతున్నార‌ట‌. శంక‌ర్ ద‌ర్శ‌క‌త్వంలో తెర‌కెక్కుతోన్న ఇండియ‌న్ 2 సినిమా ఆగిపోయింది. ఈ నేప‌థ్యంలో ఈ స్టార్ డైరెక్ట‌ర్ చిరంజీవితో సినిమా చేయాల‌నుకుంటున్నాడ‌ట‌. ప్ర‌స్తుతం దీనికి సంబంధిచిన చ‌ర్చ‌లు ప్రారంభ ద‌శ‌లో ఉన్నాయ‌ని అవ‌న్నీ ఓ కార్య‌రూపంలోకి వ‌చ్చిన త‌ర్వాత‌నే అనౌన్స్ చేసే అవ‌కాశం ఉంద‌ని అంటున్నారు. శంక‌ర్‌తో సినిమా అంటే చాలా భారీ లెవ‌ల్లో ఉంటుంది. మ‌రి ఆ భారీ రేంజ్‌లో మ‌న‌వాళ్లు చిరంజీవితో సినిమా చేసే అవ‌కాశం ఉందా? అస‌లు ఈ వార్త‌ల్లో నిజా నిజాలెంత‌? అనే విష‌యాలు తెలియాలంటే కొన్ని రోజులు ఆగాల్సిందే.