మెగాస్టార్‌తో మెగా డైరెక్ట‌ర్‌
- IndiaGlitz, [Tuesday,April 16 2019]
టాలీవుడ్ టాప్ స్టార్ మెగాస్టార్ చిరంజీవితో భారీ చిత్రాల ద‌ర్శ‌కుడు శంక‌ర్ సినిమా తీయ‌బోతున్నాడా? అంటే అవుననే వార్త‌లు విన‌ప‌డుతున్నాయి. వివ‌రాల్లోకెళ్తే.. టాలీవుడ్ స్టార్ ప్రొడ్యూస‌ర్స్‌లో ఒక‌రైన అల్లు అరవింద్.. చిరు, శంక‌ర్‌ల‌తో సినిమా చేయాల‌ని సంప్ర‌దింపులు జ‌రుపుతున్నార‌ట. ప్ర‌స్తుతం చిరంజీవి 'సైరా న‌ర‌సింహారెడ్డి' చిత్రీక‌ర‌ణ‌తో బిజీగా ఉన్నారు.
ఇది పూర్త‌వ‌గానే కొర‌టాల సినిమాను స్టార్ట్ చేస్తాడు. కొర‌టాల త‌ర్వాత త్రివిక్ర‌మ్‌తో ఓ సినిమా చేయాల్సి ఉంది. దీని త‌ర్వాతే శంక‌ర్ ద‌ర్శ‌క‌త్వంలో చిరు సినిమా ఉండొచ్చు. మ‌రో ప‌క్క శంక‌ర్ కూడా 'ఇండియ‌న్ 2'ను పూర్తి చేసే ప‌నిలో ఉన్నాడు.
తెలుగులో చిరుతో త‌మిళంలో అదే కాన్సెప్ట్‌ను విజ‌య్ లేదా అజిత్‌తో చేసేలా ఓ క‌థతో వ‌స్తే చిరుతో సినిమా చేద్దామ‌ని శంక‌ర్‌కి చెప్పాడ‌ట అల్లు అరవింద్. మ‌రి చిరంజీవితో శంక‌ర్ సినిమా చేస్తాడా? లేదా? అని తెలియాలంటే కొన్ని రోజులు ఆగాల్సిందే.