మెగా డెబ్యూ హీరో సాంగ్ సెన్సేష‌న్‌
- IndiaGlitz, [Monday,May 11 2020]
ఇప్ప‌టికే ప‌దిమందికి పైగా హీరోలున్న మెగాఫ్యామిలీ నుండి మ‌రో హీరో ప‌రిచ‌యం అవుతున్నారు. అతనెవ‌రో ప్ర‌త్యేకంగా చెప్ప‌న‌క్క‌ర్లేదు. అత‌నే వైష్ణ‌వ్ తేజ్‌. ఇప్ప‌టికే హీరోగా నిల‌దొక్కుకున్న మెగా క్యాంప్ హీరో సాయితేజ్ సోద‌రుడు. ఈ యువ హీరో తొలి చిత్రంగా ఉప్పెన తెరకెక్కింది. సుకుమార్ రైటింగ్స్ బ్యాన‌ర్‌పై సుకుమార్, మైత్రీ మూవీ మేక‌ర్స్ బ్యాన‌ర్‌పై న‌వీన్ ఎర్నేని, య‌ల‌మంచిలి ర‌విశంక‌ర్ ఈ సినిమాను నిర్మించారు. ఈ సినిమాను ఏప్రిల్ 2న విడుద‌ల చేయాల‌నుకున్నారు. కానీ క‌రోనా ప్ర‌భావంతో సినిమా విడుద‌ల ఆగిపోయింది. త‌దుప‌రి విడుద‌ల తేదీపై క్లారిటీ లేదు. డిసెంబ‌ర్‌లో ఉప్పెన చిత్రాన్ని విడుద‌ల చేయాల‌ని ప్లాన్ చేస్తున్న‌ట్లు స‌మాచారం.
సుకుమార్ శిష్యుడు బుచ్చిబాబు సానా ద‌ర్శ‌క‌త్వం వ‌హించిన ఈ చిత్రంలో క్రితి శెట్టి హీరోయిన్‌గా న‌టించింది. దేవిశ్రీ ప్ర‌సాద్ ఈ చిత్రానికి సంగీతాన్ని అందించారు. ఇందులో విడుద‌లైన రెండు పాట‌ల‌కు చాలా మంచి స్పంద‌న వ‌చ్చింది. ముఖ్యంగా ‘నీ నీలి క‌న్ను స‌ముద్రం... ’ పాట‌కు అమేజింగ్ రెస్పాన్స్ వ‌చ్చింది. తాజాగా ఈ సినిమా 50 మిలియ‌న్ వ్యూస్‌ను చేరుకుని ఓ డెబ్యూ హీరో సాంగ్‌కు ఈ త‌రహా రెస్పాన్స్ రాబ‌ట్టుకున్న చిత్రంగా పేరు తెచ్చుకుంది. కోలీవుడ్ విల‌క్ష‌ణ న‌టుడు విజ‌య్ సేతుప‌తి ఇందులో విల‌న్‌గా న‌టించ‌డం విశేషం.