'இவன் தந்திரன்' வெற்றி படத்தை அடுத்து இயக்குனர் ஆர்.கண்ணன், அதர்வா நாயகனாக நடிக்கவுள்ள படத்தை இயக்கவுள்ளார் என்பதை ஏற்கனவே பார்த்தோம். இந்த படத்திற்கான ஆரம்பகட்ட பணிகள் தொடங்கிவிட்ட நிலையில் தற்போது இந்த படத்தின் நாயகி உறுதி செய்யப்பட்டுள்ளார்.

இன்னும் டைட்டில் வைக்கப்படாத இந்த படத்தில் அதர்வாவுக்கு ஜோடியாக நடிக்க மேகா ஆகாஷ் ஒப்பந்தம் செய்யப்பட்டுள்ளார். இவர் சமீபத்தில் வெளியான கவுதம்மேனன் இயக்கத்தில் தனுஷ்  நடித்த 'எனை நோக்கி பாயும் தோட்டா' படத்தின் நாயகி என்பது குறிப்பிடத்தக்கது.

அதர்வா-மேகா ஆகாஷ் முதன்முதலில் இணையும் இந்த ஜோடி இளைஞர்களுக்கான விருப்பத்திற்குரிய ஜோடியாக இருப்பார்கள் என்றும், சமூக வலைத்தளங்களில் மேகா ஆகாஷ் பாப்புலராக இருப்பது இந்த படத்திற்கு கூடுதல் பலம் என்றும் இயக்குனர் ஆர்.கண்ணன் தெரிவித்துள்ளார். இந்த படத்தில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்கள் தேர்வு செய்யப்பட்டு வருவதாகவும் மிக விரைவில் இந்த படத்தின் படப்பிடிப்பு தொடங்கும் என்றும் கூறப்படுகிறது.