ரியல் பக்சிராஜா யார் என்று தெரியுமா?
- IndiaGlitz, [Friday,November 30 2018]
சூப்பர் ஸ்டார் ரஜினிகாந்த் நடித்த '2.0' திரைப்படம் நேற்று வெளியாகி பல வசூல் சாதனைகளை முறியடித்து வருகிறது. அனைத்து தரப்பினர்களின் அமோக ஆதரவை பெற்று இந்த படம் திரையரங்குகளில் ஹவுஸ்புல் காட்சிகளாக ஓடி வருகிறது.
இந்த நிலையில் இந்த படத்தில் ரஜினியை அடுத்து அக்சயகுமாரின் நடிப்பு பெரிதும் பேசப்படுகிறது என்பது தெரிந்ததே. குறிப்பாக பிளாஷ்பேக் காட்சியில் வரும் பட்சிராஜா என்ற பறவைகள் ஆராய்ச்சியாளர் குறித்த காட்சிகள் படத்தின் ஹைலைட் காட்சிகள் ஆகும்.
இந்த நிலையில் ரியல் பட்சிராஜா குறித்த தகவல் வெளீவந்துள்ளது. சலீம் அலி என்ற பறவைகள் குறித்து ஆய்வு செய்யும் விஞ்ஞானி, இந்தியாவின் பறவை மனிதன் என்று அழைக்கப்பட்டார். பறவைகள் குறித்த இவரது சிறந்த ஆராய்ச்சியை பாராட்டி இந்திய அரசு இவருக்கு 'பத்மபூஷன்' விருது கொடுத்து கெளரவித்தது. கடந்த 1987ஆம் ஆண்டு இவர் மறைந்தார். இவர் தான் ஷங்கரின் பட்சிராஜா கேரக்டருக்கு மூலமாக இருக்கலாம் என்று கருதப்படுகிறது. ஏனெனில் அக்சயகுமாரின் கெட்டப்பும் கிட்டதட்ட இவர் போலவே உள்ளது என்பது குறிப்பிடத்தக்கது.