24 மணி நேரம் எனக்கு சாப்பாடு கொடுக்கவில்லை: மீராமிதுன் குற்றச்சாட்டு
- IndiaGlitz, [Sunday,August 15 2021]
நடிகையும் பிக்பாஸ் போட்டியாளர்களில் ஒருவருமான மீராமிதுன் சமீபத்தில் சர்ச்சைக்குரிய வகையில் பட்டியலினத்தவர் குறித்து பேசியது பெரும் சர்ச்சையை ஏற்படுத்திய நிலையில் இதுகுறித்து அளிக்கப்பட்ட புகாரின் அடிப்படையில் வழக்குப்பதிவு செய்யப்பட்டது. மீராமிதுன் மீது 7 பிரிவுகளில் வழக்கு பதிவு செய்யப்பட்ட நிலையில் அவரை காவல் துறையில் ஆஜராக சம்மன் அனுப்பினர். ஆனால் அவர் தலைமறைவாகி விட்ட நிலையில் கேரளாவில் நேற்று போலீசார் அவரை கைது செய்தனர்.
மீராமிதுனை கைது செய்த போது கூட அவர் தன்னை காவல்துறையினர் அராஜகமாக நடத்துவதாக வீடியோ ஒன்றை வெளியிட்டு பரபரப்பை ஏற்படுத்தினார். மேலும் தன்னை போலீஸார் கைது செய்தால் தற்கொலை செய்து கொள்ளப் போவதாகவும் அவர் மிரட்டல் விடுத்தார் என்பது குறிப்பிடத்தக்கது.
இந்த நிலையில் காவல்துறையினர் அவரை கைது செய்து இன்று காலை சென்னைக்கு அழைத்து வந்தனர். ரகசிய இடத்தில் அவரிடம் விசாரணை நடந்ததாக கூறப்படுகிறது. இந்த நிலையில் அவரை நீதிமன்றத்திற்கு அழைத்துச் செல்லும் வழியில் அவர் செய்தியாளர்களிடம் ’கடந்த 24 மணி நேரமாக தனக்கு சாப்பாடு எதுவும் கொடுக்கவில்லை என்றும் எதற்காக இப்படி செய்து வருகிறார்கள் என்று எனக்கு தெரியவில்லை என்றும், மூன்று வருடமாக நான் அளித்த புகாரின் அடிப்படையில் எந்த நடவடிக்கையும் எடுக்கவில்லை என்று அவர் கூறிக் கொண்டே சென்றார். இது குறித்த வீடியோ தற்போது வைரல் ஆகி வருகிறது.