தினமும் என்ன அழவைக்கிறாங்களே! மிரளும் மீரா, உக்கிரத்தில் வனிதா!
- IndiaGlitz, [Friday,June 28 2019]
பிக்பாஸ் நிகழ்ச்சியில் கடைசியாக வந்து போட்டியாளர்களுடன் கலந்து கொண்ட மீரா மிதுனை பார்த்தவுடனே அபிராமி வெறுக்க தொடங்க அவருக்கு ஆதரவாக வனிதாவும் இருப்பதால் தினமும் இருவரும் சேர்ந்து மீராவை வச்சு செய்து வருகின்றனர். அதிலும் வனிதா கேப்டனாக இருப்பதால் தனது அதிகாரத்தை பயன்படுத்தி மீராவை தினமும் அழ வைக்கின்றார்.
இந்த நிலையில் சற்றுமுன் வெளியான இன்றைய புரமோ வீடியோவில் மீண்டும் மீரா மிதுன் அழுகிறார். என்னை ஒருநாளைக்கு ஒருதடவை அழ வைக்கலைன்னா இவங்க யாருக்குமே தூக்கம் வராது என்று மீரா புலம்ப, இன்னொரு பக்கம் இவளோட போதைக்கு நான் ஊறுகாய் கிடையாது' என்று வனிதா உக்கிரமாக உள்ளார். எல்லாத்துக்கும் ஒரு லிமிட் இருப்பதாகவும், இப்படியெல்லாம் என்னால இருக்க முடியாது, நான் அந்த மாதிரி கேரக்டர் கிடையாது' என்றும் மீரா கதறி அழ அவருக்கு சாக்சி ஆறுதல் கூறுகின்றார்.
மீரா மிதுன் மீது முதலில் ஆத்திரப்பட்ட அபிராமி கூட அவருடன் சமாதான செல்ல முயற்சிக்கின்றார். ஆனால் வனிதா, மீராவை சும்மா விடமாட்டார் போல் தெரிகிறது. வனிதாவின் டார்ச்சருக்கு தற்போது வரை அழுது கொண்டிருக்கும் மீரா, பதிலடி கொடுக்க தொடங்கினால் வனிதாவின் உக்கிரம் இன்னும் அதிகமாக வாய்ப்பு உள்ளது. பிக்பாஸ் திரைக்கதையில் மீரா வீறுகொண்டு எழும் காட்சி எப்போது என்பதை பொறுத்திருந்து பார்ப்போம்.
#பிக்பாஸ் இல்லத்தில் இன்று..#BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/E0KyPxMPlm
— Vijay Television (@vijaytelevision) June 28, 2019