தனது நெருங்கிய தோழி ஒருவரின் அம்மா முதலில் கொரோனாவுக்கு பலியானதாகவும் அதனை அடுத்து நேற்று அவருடைய தந்தையும் கொரோனாவுக்கு பலியானதாகவும் தமிழ் நடிகை ஒருவர் தனது சமூக வலைத்தளத்தில் குறிப்பிட்டுள்ளார்

எஸ்.ஜே.சூர்யா நடித்து இயக்கிய ’அன்பே ஆருயிரே’ என்ற திரைப்படத்தில் அறிமுகமாகி அதன்பின்னர் லீ, ஜாம்பவான், அர்ஜுன் நடித்த மருதமலை, உள்பட பல படங்களில் நடித்தவர் நடிகை நிலா. இவர் பாலிவுட்டில் மீரா சோப்ரா என்ற பெயரில் நடித்து வருகிறார் என்பது குறிப்பிடத்தக்கது

இந்த நிலையில் நடிகை மீரா சோப்ரா தனது டுவிட்டர் பக்கத்தில் தனது நெருங்கிய தோழி ஒருவரின் பெற்றோர்கள் அடுத்தடுத்து கொரோனாவுக்கு பலியாகியுள்ளது தனக்கு பெரும் சோகத்தை ஏற்படுத்தியுள்ளது என்று கூறியுள்ளார்

முதலில் தனது தோழியின் அம்மா கொரோனாவால் இறந்ததாகவும் அதன் பின்னர் நேற்று அவருடைய அப்பாவும் கொரோனாவுக்கு பலியானதாகவும் இதனை கேள்விப்பட்டு தான் மிகவும் அதிர்ச்சி அடைந்ததாகவும் கூறியுள்ளார்

கொரோனா வைரஸ் பொதுமக்களை கொன்று வருகிறது என்றும் எனவே பொதுமக்கள் தேவையில்லாமல் வீட்டை விட்டு வெளியே வரவேண்டாம் என்றும் மிகவும் பாதுகாப்பாக இருந்து கொள்ளுங்கள் என்றும் கண்டிப்பாக வெளியே செல்லும் போது மாஸ்க் அணிந்து கொள்ளுங்கள் என்றும் நடிகை மீரா சோப்ரா அறிவுறுத்தி உள்ளார்

One of my friend lost both his parents to covid few days bak. First mom and yesterday dad. Iam shocked and sad. #COVID19 is killing people. Things are opening but its not safe. Go out, meet people only if its required. Plz Wear masks!!

— meera chopra (@MeerraChopra) August 30, 2020