డిజిటల్ రంగంలోకి మీనా
- IndiaGlitz, [Tuesday,August 06 2019]
సీనియర్ హీరో మీనా.. ఒకప్పుడు రజనీకాంత్, చిరంజీవి, బాలకృష్ణ, నాగార్జున, వెంకటేశ్ వంటి స్టార్ హీరోస్ జతగా నటించారు. పెళ్లి తర్వాత సినిమా రంగానికి దూరంగా ఉన్న మీనా తర్వాత బుల్లితెరపై కొంతకాలం సందడి చేశారు. చాలా గ్యాప్ తర్వాత అడపా దడపా వెండితెరపై సందడి చేస్తున్నారు మీనా. తెలుగులో సాక్ష్యం సినిమాలో నటించారీమె. అలాగే మమ్ముట్టి సరసన ఓ చిత్రంలో నటిస్తున్నారు.
కాగా లేటెస్ట్‌గా డిజిటల్ రంగంలోనూ అడుగుపెట్టారు. 'కరోలిన్ కామాక్షి' అనే వెబ్ సిరీస్‌లో నటిస్తున్నారు. యాక్షన్ డ్రామాగా రూపొందుతోన్న ఈ సిరీస్‌లో మీనాతో పాటు ఇటలీ మోడల్ జార్జియా అండ్రియానీ కూడా నటిస్తున్నారు. వివేక్ కుమార్ కన్నన్ ఈ సిరీస్‌ను తెరకెక్కిస్తున్నారు.