தமிழகத்தில் கடந்த சில நாட்களாக மீண்டும் கொரோனா வைரஸ் பாதிப்பு அதிகரித்து வருகிறது என்பதும் குறிப்பாக திரையுலக பிரபலங்கள், அரசியல் பிரபலங்களுக்கும் கொரோனா பாதிப்பு ஏற்பட்டு வருவதாக செய்திகள் வெளியாகி கொண்டிருக்கின்றன என்பதும் குறிப்பிடத்தக்கது.

இந்த நிலையில் 90களில் பிரபலமான நாயகியாக இருந்தவரும் தற்போது குணச்சித்திர வேடங்களில் நடித்து வருபவருமான நடிகை மீனாவின் குடும்பத்திற்குள்ளும் கொரோனா
வைரஸ் தொற்று நுழைந்து விட்டது என்ற தகவல் பெரும் அதிர்ச்சியை ஏற்படுத்தி உள்ளது.

மீனா, அவரது கணவர் மற்றும் மீனாவின் மகள் நைனிகா ஆகிய மூவருக்குமே கொரோனா பாதிப்பு ஏற்பட்டுள்ளதாகவும் இதனை அடுத்து அவர்கள் தனிமைப்படுத்தி கொண்டு சிகிச்சை பெற்று வருவதாகவும் தகவல்கள் வெளியாகியுள்ளன.

தனக்கும் தனது குடும்பத்தினருக்கும் கொரோனா பாதிப்பு ஏற்பட்டுள்ளதாகவும் மக்கள் அனைவரும் பாதுகாப்பாக இருக்க கேட்டுக்கொள்வதாகவும் தன்னுடன் தொடர்பில் இருந்தவர்கள் கொரோனா பரிசோதனை செய்து கொள்ளவும் என்றும் மீனா கேட்டுக் கொண்டுள்ளார்.

View this post on Instagram

A post shared by Meena Sagar (@meenasagar16)