మీలో ఎవ‌రు కోటీశ్వ‌రుడు అన‌గానే అంద‌రికీ ఠ‌క్కున గుర్తుకువ‌చ్చే పేరు నాగార్జున‌. మీలో ఎవ‌రు కోటీశ్వ‌రుడు మూడు సిరీస్ ల‌కు హాస్ట్ గా వ్య‌వ‌హ‌రించిన నాగార్జున అంద‌రి మ‌న‌సుల‌ను గెలుచుకుని ఈ వ‌య‌సులో ప్ర‌త్యేక క్రేజ్ ఏర్ప‌రుచుకున్నారు. నాగార్జున‌కు ఇంత‌టి పేరు తీసుకువ‌చ్చిన మీలో ఎవ‌రు కోటీశ్వ‌రుడు నాలుగ‌వ సిరీస్ కి హాస్ట్ గా చిరంజీవి వ్య‌వ‌హ‌రించ‌నున్నారు అని ఇటీవ‌ల వార్త‌లు వ‌చ్చాయి.

ఈ కార్య‌క్ర‌మం ద్వారా ప్ర‌తి తెలుగువాడి హృద‌యాల‌ను గెలుచుకున్నారు. మీకు ఇంత పేరు తీసుకువ‌చ్చిన ఈ షోకు హోస్ట్ గా వ్య‌వ‌హ‌రించే అవ‌కాశాన్ని చిరంజీవి గార్కి ఇవ్వ‌డానికి కార‌ణం ఏమిటి అని నాగార్జున‌ను అడిగితే....ఇది ఇప్పుడు తీసుకున్న నిర్ణ‌యం కాదు. ఎప్పుడో తీసుకున్ననిర్ణ‌యం ఇది. పైగా ఇప్పుడు చైత‌న్య‌, అఖిల్ సినిమాలు, నా సినిమాల్లో ఫుల్ బిజీగా ఉన్నాను. చిరంజీవి గారు హాస్ట్ గా చేసే ఓ ఎపిసోడ్ కి నేను గెస్ట్ గా వెళ్లి హాట్ సీటులో కూర్చొంటాను అని తెలియ‌చేసారు. మ‌రి...చిరు అడిగే ప్ర‌శ్న‌ల‌కు నాగ్ ఎలాంటి స‌మాధానాలు చెబుతారో తెలియాలంటే కొన్నిరోజులు ఆగాల్సిందే..!