మెగా ప‌వ‌ర్ స్టార్ రామ్ చ‌ర‌ణ్ రేపు న్యూజెర్సీ లో జ‌ర‌గ‌నున్న‌ హ్యుమానిటి యునైటెడ్ ఎగినెస్ట్ టెర్ర‌ర్ అనే కార్య‌క్ర‌మంలో లైవ్ పెర్ ఫార్మెన్స్ చేయాల్సిఉంది. టెర్ర‌రిజం బాధితుల‌కు చేయూత‌గా జ‌ర‌గ‌నున్న ఈ కార్య‌క్ర‌మంలో పాల్గొంటాన‌ని.. లైవ్ పెర్ ఫార్మెన్స్ చేస్తాన‌ని చ‌ర‌ణ్ ప్ర‌క‌టించారు. అయితే...లాస్ట్ మినిట్ లో ఈ కార్య‌క్ర‌మానికి హాజ‌రు కాలేక‌పోతున్నాను అని రామ్ చ‌ర‌ణ్ ఫేస్ బుక్ ద్వారా తెలియ‌చేసారు.

ఈ ప్రొగ్రామ్ లో పాల్గొనాల‌ని వెయిట్ చేసాను. అయితే...ఫ్యామిలీలో మెడిక‌ల్ ఎమ‌ర్జెన్సీ ఉండ‌డం వ‌ల‌న హాజ‌రు కాలేక‌పోతున్నాను ఆల్ ది బెస్ట్ అంటూ పోస్ట్ చేసారు. అయితే...చ‌ర‌ణ్ మెడిక‌ల్ ఎమ‌ర్జెన్సీ అని చెప్పారు కానీ...ఎవ‌రికి అనేది మాత్రం తెలియ‌చేయ‌లేదు. దీంతో అభిమానులు టెన్ష‌న్ ప‌డుతూ చ‌ర‌ణ్ ఫ్యామిలీలో ఎవ‌రికి మెడిక‌ల్ ఎమ‌ర్జెన్సీ..? ఎవ‌రికైనా స‌రే...త్వ‌ర‌గా కోలుకోవాల‌ని దేవుని ప్రార్ధిస్తున్నాం అంటూ త‌మ అభిమానాన్ని తెలియ‌చేస్తున్నారు. మ‌రి..ఫ్యాన్స్ రెస్పాన్స్ చూసైనా మెడిక‌ల్ ఎమ‌ర్జెన్సీ ఎవ‌రిక‌నేది చ‌ర‌ణ్ క్లార‌టి ఇస్తారేమో చూడాలి..!