சிவகார்த்திகேயன், நயன்தாரா நடிப்பில் மோகன் ராஜா இயக்கிய 'வேலைக்காரன்' திரைப்படம் கடந்த வெள்ளியன்று வெளியாகி பெரிய ஸ்டார்களின் படத்திற்கு இணையான ஓப்பனிங் வசூலை கொடுத்துள்ளது. அனைத்து தரப்பினர்களையும் கவர்ந்த இந்த படத்தின் ஒரு ஸ்பெஷல் ஆர்ட் டைரக்டர் முத்துராஜ் அவர்கள் அமைத்த கொலைக்கார குப்பம் செட் தான்

இந்த செட் அமைக்கப்பட்ட விதம் குறித்த வீடியோ ஏற்கனவே இணையதளங்களில் வெளிவந்த நிலையில் தற்போது இந்த கொலைக்கார குப்பம் செட்டை ரசிகர்கள் நேரில் கண்டு ரசிக்க வேலைக்காரன் படக்குழுவினர் சிறப்பு ஏற்பாடு செய்துள்ளனர்

இந்த செட்டை பிரிக்கும் முன்னர் மீடியா, மாணவர்கள், பொதுமக்கள், சிவகார்த்திகேயனின் ரசிகர்கள் ஆகிய அனைவரும் கண்டு ரசிக்கும் வகையில் விரைவில் ஒரு அறிவிப்பு வெளிவரவுள்ளதாக வேலைக்காரன் படக்குழுவினர் தெரிவித்துள்ளனர். இந்த குப்பத்து செட்டில் படக்குழுவினர் கிட்டத்தட்ட ஐம்பது நாட்கள் படப்பிடிப்பு நடத்தியுள்ளனர் என்பதும் இந்த குப்பத்து செட்டை நேரில் பார்க்க பொதுமக்கள் அனைவரும் ஆவலுடன் இருக்கின்றனர் என்பதும் குறிப்பிடத்தக்கது