கமெண்டுல இருக்கிற வீரியம்.. உனக்கு நேரில இருக்குதா தைரியம்.. மாயாவின் மாஸ் பதிவு..!
- IndiaGlitz, [Wednesday,October 30 2024]
பிக் பாஸ் போட்டியாளர் மாயா தன்னுடைய இன்ஸ்டாகிராம் பக்கத்தில் பதிவு செய்துள்ள வீடியோ பாடலில், கமெண்டுகளில் தைரியமாக சொல்பவர்கள் நேரில் வந்து சொல்ல தைரியம் இருக்கிறதா என்று கேள்வி எழுப்பியிருப்பது பரபரப்பை ஏற்படுத்தியுள்ளன.
பிக் பாஸ் தமிழ் சீசன் 7 நிகழ்ச்சியில், மாயா ஒரு முக்கிய போட்டியாளராக விளங்கியதுடன், இறுதி போட்டி வரை தாக்குப்பிடித்து சிறப்பாக விளையாடினார். சில நேரங்களில் அவர் தனது தந்திரங்கள் மூலம் பிரதீப் உள்ளிட்ட சிலரை வெளியேற்றினாலும், அவரது விளையாட்டை பலர் ரசித்தனர் என்பது குறிப்பிடத்தக்கது.
இந்நிலையில், மாயாவிற்கு இன்னும் நெகட்டிவான கமெண்டுகள் அவரின் பதிவில் தொடர்ந்து வந்து கொண்டிருக்க, அவர் ஒரு பாடல் மூலம் பதில் அளித்துள்ளார். அந்த பாடலில், தேவைப்படும் போது நம்ம ஆளாக இருக்கிறார்கள், ரோசம் வந்தால் உடனே அன்பாலோ செய்கிறார்கள் எனவும், கமெண்ட்ல இருக்கிற வீரியம், உனக்கு நேரில் இருக்குதா தைரியம் எனவும் கேள்வி எழுப்பியுள்ளார். இதனால் பாடல் மேலும் பரபரப்பை ஏற்படுத்தியுள்ளது.
இந்த பாடலுக்கும் ரசிகர்கள் தங்கள் பாணியில் மாயாவுக்கு பதிலடி கொடுத்து வருகின்றனர். சிலர் மாயாவின் தைரியத்தை பாராட்டி கமெண்டுகள் பதிவு செய்து வருவதும் குறிப்பிடத்தக்கது.