சுசீந்திரனின் 'மாவீரன் கிட்டு' சென்சார் தகவல்கள்
- IndiaGlitz, [Wednesday,November 23 2016]
'வெண்ணிலா கபடிக்குழு', பாண்டியநாடு', 'ஜீவா உள்பட வெற்றிபடங்களை இயக்கிய இயக்குனர் சுசீந்திரன் தற்போது இயக்கி முடித்துள்ள படம் 'மாவீரன் கிட்டு'. விஷ்ணுவிஷால் நாயகனாக நடித்துள்ள இந்த படம் விரைவில் திரைக்கு வரவுள்ள நிலையில் இன்று இந்த படம் சென்சார் செய்யப்பட்டது.
இந்த படத்திற்கு சென்சார் அதிகாரிகள் 'யூ' சான்றிதழ் அளித்துள்ளனர். இதனால் இந்த படம் தமிழக அரசின் வரிவிலக்கு சலுகையை பெற தகுதி பெற்றுள்ளது. மேலும் இந்த படம் சென்சார் சான்றிதழ் பெற்றதை அடுத்து வெகுவிரைவில் அதிகாரபூர்வ ரிலீஸ் தேதி அறிவிக்கப்படும் என்று எதிர்பார்க்கப்படுகிறது.
விஷ்ணு, ஸ்ரீதிவ்யா, பார்த்திபன், சூரி, ஹரிஷ் உத்தமன் உள்பட பலர் நடித்துள்ள இந்த படத்திற்கு டி.இமான் இசையமைத்துள்ளார். சூர்யா ஒளிப்பதிவில், காசி விஸ்வநாதன் படத்தொகுப்பில் உருவாகியுள்ள இந்த படம் பெரும் எதிர்பார்ப்பை ஏற்படுத்தியுள்ளது.