బాలీవుడ్ రీమేక్ అవుతున్న ‘మత్తు వదలరా’
- IndiaGlitz, [Wednesday,July 15 2020]
ప్రస్తుతం తెలుగు నుండి పలు చిత్రాలు బాలీవుడ్‌లోకి రీమేక్ అవుతున్నాయి. ఆ కోవలో ఇప్పుడు మరో చిత్రం చేరింది. ఆ చిత్రమే ‘మత్తు వదలరా’. పెద్ద బ్యాగ్రౌండ్ ఉన్న ఓ చిన్న చిత్రం 'మత్తు వదలరా'. ద‌ర్శ‌క ధీరుడు ఎస్‌.ఎస్‌.రాజ‌మౌళి అన్న‌య్య, ప్ర‌ముఖ సంగీత దర్శకుడు ఎం.ఎం.కీర‌వాణి త‌న‌యుల్లో శ్రీసింహా హీరోగా నటించగా, కాలభైరవ సంగీతాన్ని అందించారు. రితేష్ రానా ఈ చిత్రాన్ని డైరెక్ట్ చేశారు. తెలుగు ఈ చిత్రం భారీ విజయాన్ని సాధించింది. ఇప్పుడు ఇది బాలీవుడ్‌లోనూ రీమేక్ కానుంది.
ఈ విషయాన్ని దర్శకుడు రితేష్ రానా తెలిపారు. ప్రారంభం నుండి దర్శకుడు రితేశ్ ‘మత్తు వదలరా’ సినిమా యూనిక్ కాన్సెప్ట్‌ అని నమ్మకంగా ఉన్నారు. సినిమా చూసిన బాలీవుడ్ నిర్మాతలు రితేష్‌ను అప్రోచ్ అయ్యారట. బాలీవుడ్ ప్రేక్షకుల అభిరుచికి తగినట్లు స్ర్కిప్ట్‌లో చిన్న చిన్న మార్పులు చేర్పులు చేస్తున్నారట. అంతే ఓకే అయితే..వివరాలను తెలియజేస్తామని రితేష్ తెలిపారు.
ఓ అపార్ట్‌మెంట్‌లోకి వెళ్లిన డెలివరీకి వెళ్లిన యువకుడు అనుకోకుండా ఓ హత్యలో భాగమవుతాడు. అసలు ఆ హత్యకు కారణమేంటి? ఎవరు చేశారు? అనే విషయాలను ఆసక్తికరంగా మలిచారు దర్శకు రితేష్ రానా. తెలుగు ప్రేక్షకులను మెప్పించిన ఈ చిత్రం బాలీవుడ్ ప్రేక్షకులను అలరిస్తుందో లేదో తెలుసుకోవాలంటే వేచి చూడాల్సిందే.