தளபதி விஜய் நடித்து முடித்துள்ள ’மாஸ்டர்’ திரைப்படத்தின் இசை வெளியீட்டு விழா நாளை மாலை 6.30 மணிக்கு சென்னையில் உள்ள தனியார் நட்சத்திர ஓட்டலில் நடைபெற உள்ளது என்பது தெரிந்ததே. இந்த இசை வெளியீட்டு விழாவுக்கான அனைத்து பணிகளும் முடிவடைந்த நிலையில் சற்று முன்னர் இந்த படம் குறித்த அதிரடி அறிவிப்பு ஒன்று வெளியாகியுள்ளது

ஏற்கனவே இந்த படத்தில் இடம்பெற்ற ‘குட்டி கதை’ மற்றும் ’வாத்தி இஸ் கம்மிங்’ ஆகிய இரண்டு சிங்கிள் பாடல்கள் வெளியாகி உள்ள நிலையில் இன்று இரவு 8.30 மணிக்கு ’வாத்தி ரெய்டு’ என்ற பாடல் வெளியாக உள்ளது

சமீபத்தில் விஜய் வீட்டில் வருமான வரித்துறையினர் ரெய்டு நடத்தியதை அடுத்து அந்தப் பெயரிலேயே ஒரு பாடல் வெளியாக உள்ளதால் விஜய் ரசிகர்கள் பெரும் உற்சாகமடைந்துள்ளனர் அனிருத் இசையமைப்பில் உருவாகி இந்த பாடல் மிகப்பெரிய வரவேற்பை பெறும் என்று எதிர்பார்க்கப்படுகிறது. விஜய் ரசிகர்கள் இந்த பாடலை இப்போது வரவேற்க தயாராகி விட்டனர் என்பது குறிப்பிடத்தக்கது