'மாஸ்டர்' அடுத்த சிங்கிள் ரிலீஸ் குறித்த தகவல்
- IndiaGlitz, [Sunday,February 23 2020]
தளபதி விஜய் மற்றும் மக்கள் செல்வன் விஜய் சேதுபதி இணைந்து நடித்து வரும் ‘மாஸ்டர்’ படத்தின் இறுதிகட்ட படப்பிடிப்பு விறுவிறுப்பாக நடைபெற்று வருகிறது. இந்த நிலையில் இந்த படத்தின் முதல் சிங்கிள் பாடலான ’குட்டி கதை’ பாடல் சமீபத்தில் வெளியாகி மிகப்பெரிய வரவேற்பை பெற்றது.
அருண்ராஜா காமராஜ் பாடல் வரிகளில், அனிருத் இசையில் விஜய் பாடிய இந்த பாடல் பட்டிதொட்டியெங்கும் வைரலாகி வரும் நிலையில் தற்போது இந்த படத்தின் அடுத்த சிங்கிள் குறித்த தகவல்கள் குறித்து தகவல் வெளிவந்துள்ளது.
‘மாஸ்டர்’ படத்தின் அடுத்த சிங்கிள் பாடல் தரலோக்கல் குத்து பாடலாக இருக்கும் என்றும் இந்த பாடல் ரிலீஸ் தேதி குறித்த அறிவிப்பு இன்று மாலை வெளியாகும் என்றும் செய்திகள் வெளியாகி உள்ளது. இதனை படக்குழுவினர் அதிகாரப்பூர்வமாக தெரிவிக்கவில்லை எனினும் விஜய் ரசிகர்கள் இது குறித்த ஹேஷ்டேக்கை டுவிட்டரில் பதிவு செய்து டிரெண்ட் ஏற்படுத்தி வருகின்றனர். ‘மாஸ்டர்’ படத்தின் அடுத்த சிங்கிள் பாடல் ரிலீஸ் குறித்த தகவல் இன்று மாலை வெளிவருமா? என்பதை பொறுத்திருந்து பார்ப்போம்.