ஒரு திரைப்படத்தின் படப்பிடிப்பு ஐம்பது சதவீதம் முடிவதற்கு முன்னரே அந்த படத்தின் கிட்டத்தட்ட மொத்த வியாபாரமும் முடிந்துவிடும் மேஜிக் தளபதி விஜய் படத்திற்கு மட்டுமே நடக்கும் என்பது தெரிந்ததே.

அந்த வகையில் தற்போது படமாக்கப்பட்டு வரும் 'மாஸ்டர்’ திரைப்படத்தின் வியாபாரம் கடந்த சில வாரங்களாக விறுவிறுப்பாக நடைபெற்று வருகிறது. இந்த படத்தின் தமிழக ரிலீஸ் உரிமையை லலித் என்பவர் வாங்கி உள்ளார் என்ற செய்தியை ஏற்கனவே பார்த்தோம்.

அதேபோல் கேரள மாநில, கர்நாடக மாநில, தெலுங்கு மாநில உரிமைகளும் வியாபாரமாகி விட்டது என்பது குறிப்பிடத்தக்கது. மேலும் இந்த படத்தின் சாட்டிலைட் ரைட்ஸ், டிஜிட்டல் ரைட்ஸ் வியாபாரமும் முடிவடைந்துவிட்ட நிலையில் தற்போது இந்த படத்தின் வெளிநாட்டு உரிமை வியாபாரம் முடிந்து விட்டதாக தகவல்கள் வெளிவந்துள்ளது.

இந்த படத்தை யூனிட்டைட் இந்தியா எக்ஸ்போர்ட்டர்ஸ் மற்றும் மாலிக் ஸ்ட்ரீம்ஸ் ஆகிய இரண்டு நிறுவனங்கள் இணைந்து வெளிநாட்டு உரிமைகளை பெற்றுள்ளதாகவும் செய்திகள் வெளியாகி உள்ளது. இதனையடுத்து இந்த படத்தின் 90% வியாபாரம் படப்பிடிப்பு முடிவடைவதற்கு முன்னரே முடிந்துவிட்டது என்பது குறிப்பிடத்தக்கது.