தளபதி விஜய் நடித்த ’மாஸ்டர்’ திரைப்படம் ஏற்கனவே மிகப்பெரிய வசூல் உள்பட பல்வேறு சாதனைகள் செய்து உள்ள நிலையில் தற்போது புதிதாக இன்னொரு சாதனையையும் செய்துள்ளது

’மாஸ்டர்’ படத்தில் இடம்பெற்றுள்ள குட்டி ஸ்டோரி, வாத்தி கம்மிங், மற்றும் வாத்தி ரைடு ஆகிய பாடல்களுக்கு அதிக டிக்டாக் பயனாளிகள் நடனம் ஆடியுள்ளனர் என்ற தகவல் வெளிவந்துள்ளது

கிட்டத்தட்ட யூடியூப்க்கு இணையாக தற்போது டிக்டாக் சமூக வலைதளம் வைரலாகி வருகிறது என்பதும் இந்த டிக்டாக்கில் 1500 மில்லியன் பார்வையாளர்கள் ’மாஸ்டர்’ படத்தின் ஆல்பத்திற்கு நடனமாடியுள்ளதாகவும் தெரிகிறது. இந்த மகிழ்ச்சியான செய்தி சமூக வலைதளங்களில் காணொளியுடன் பரவி வருகிறது. ’மாஸ்டர்’ பட பாடல்களை டிக்டாக் செய்து பிரபலமாகியவர்களின் காணொளிகளோடு கோர்வையாக கோர்க்கப்பட்டு அதை 1500 மில்லியன் கொண்டாட்ட வீடியோவாகவும் நெட்டிசன்கள் உருவாக்கியுள்ளனர்.

இந்த சாதனையில் டிக்டாக் பிரபலங்கள் மட்டுமின்றி சினிமா பிரபலங்களும் உள்ளடங்கியுள்ளனர் என்பது குறிப்பிடத்தக்கது. குறிப்பாக சாண்டி மாஸ்டர், நடிகை வேதிகா, நடிகை நந்திதா, பிக்பாஸ் வின்னர் முகென், காமெடி நடிகர் ரோபோ சங்கர் உள்பட பலர் ’மாஸ்டர்’ படத்தின் பாடல்களை வீடியோவாக டிக்டாக்கில் வெளியிட்டு உள்ளனர் என்பதும் அந்த வீடியோக்கள் மிகப்பெரிய அளவில் வைரலாகி உள்ளது என்பது குறிப்பிடத்தக்கது

இந்த தகவலை ’மாஸ்டர்’ பட குழுவினர் தங்களது சமூக வளைதளத்தில் மகிழ்ச்சியுடன் பகிர்ந்து ரசிகர்களுக்கும் டிக்டாக் பயனாளிகளுக்கும் தங்களது நன்றியை தெரிவித்துள்ளனர்.