ஏப்ரல் 14ல் நல்ல செய்தி வரும்: 'மாஸ்டர்' படத்தின் மாஸ்டர் நடிகரின் டுவிட்
- IndiaGlitz, [Tuesday,April 07 2020]
தளபதி விஜய் நடித்து முடித்துள்ள ‘மாஸ்டர்’ திரைப்படம் தற்போது ரிலீசுக்கு தயாராக இருக்கும் நிலையில் கொரோனா வைரஸ் காரணமாக ஏப்ரல் 9ம் தேதி ரிலீசாக வேண்டிய இந்த படம் தள்ளிவைக்கப்பட்டுள்ளது. ஊரடங்கு உத்தரவு ஏப்ரல் 14ஆம் தேதி முடிவடைந்து விடும் என்பதால், அதன் பின் இந்த படத்தின் ரிலீஸ் தேதி குறித்த அறிவிப்பு வெளிவர வாய்ப்பு இருப்பதாக கூறப்படுகிறது
இந்த நிலையில் சமூக வலைத்தளத்தில் விஜய் ரசிகர்கள் ‘மாஸ்டர்’ படத்தின் டிரைலர் அல்லது டீசர் எப்போது வரும் என்று அவ்வப்போது கோரிக்கை வைத்து வருகின்றனர். இந்த நிலையில் ‘மாஸ்டர்’ படத்தில் முக்கிய வேடத்தில் நடித்துள்ள மாஸ்டர் மகேந்திரன் தனது ட்விட்டர் வலைதளத்தில் ’ஏப்ரல் 14ல் நல்ல அப்டேட் வரும் என்றும் நானும் ஒரு ரசிகராக அந்த படத்தின் டீசர் அல்லது டிரைலர் எப்போது வரும் என்று எதிர்பார்த்து காத்திருப்பதாகவும் கூறினார்
இதனை அடுத்து நெட்டிசன்கள் ஏப்ரல் 14ஆம் தேதி ‘மாஸ்டர்’ படத்தின் ட்ரெய்லர் வரவிருப்பதாக செய்தியை பரப்பி, அதனை டிரண்டுக்கும் கொண்டு வந்து விட்டனர். இதனால் அதிர்ச்சி அடைந்த மாஸ்டர் மகேந்திரன் மீண்டும் ஒரு டுவிட்டில் ’எப்பா ராசா ஏப்ரல் 14 தமிழ்ப் புத்தாண்டு என்பதால் ஒரு கணக்கில் நான் சொன்னேன். ஒரு ரசிகனா நானும் உங்களை மாதிரிதான் ட்ரைலருக்காக வெயிட் பண்ணிக்கொண்டு இருக்கிறேன். மத்தபடி எனக்கு ஒண்ணுமே தெரியாது’ என்று கூறினார்
மாஸ்டர் மகேந்திரனின் இந்த டுவிட்டை நடிகர் சாந்தனு கிண்டல் செய்து தனது டுவிட்டர் பக்கத்தில் ஒரு டுவிட்டை பதிவு செய்துள்ளார் என்பது குறிப்பிடத்தக்கது. மொத்தத்தில் ‘மாஸ்டர்’ படத்தின் டீசர் அல்லது டிரைலர் எப்போது வரும் என்பது குறித்த எந்தவிதமான அதிகாரப்பூர்வ அறிவிப்பும் வெளிவரவில்லை என்பது தான் உண்மை
Yappa rasa April 14th "தமிழ் புத்தாண்டு" la andha oru kanakula naana sonna oru rasigana naanum unghala mari dhan pa wait pannitu irrukan ennaku onnumae theriyadhu ???????? https://t.co/IQwnODMfeV
— Master Mahendran ?? (@Actor_Mahendran) April 6, 2020