தனுஷ் தற்போது கார்த்திக் நரேன் இயக்கிவரும் 'D43' என்ற படத்தின் படப்பிடிப்பில் நடித்துக் கொண்டிருக்கும் நிலையில் இந்த படத்தின் படப்பிடிப்பில் ‘மாஸ்டர்’ நடிகர் இணைந்துள்ள தகவல் தற்போது உறுதி செய்யப்பட்டுள்ளது.

சமீபத்தில் அமெரிக்காவிலிருந்து திரும்பிய தனுஷ், கார்த்திக் நரேன் இயக்கி வரும் 'D43' என்ற படத்தில் நடித்து வருகிறார் என்பதும் அவரும் மாளவிகா மோகன் நடித்த காட்சிகள் படமாக்கப்பட்டன என்பதும் தெரிந்ததே.

இந்த நிலையில் தற்போது இந்த படத்தில் ‘மாஸ்டர்’ படத்தில் விஜய்சேதுபதியின் சிறுவயது கேரக்டரில் நடித்த மாஸ்டர் மகேந்திரன் படப்பிடிப்பில் இணைந்துள்ளார். இதுகுறித்த புகைப்படங்கள் தற்போது வைரல் ஆகி வருகின்றன என்பது குறிப்பிடத்தக்கது. மாஸ்டர் மகேந்திரன் இந்த படத்தில் நெகட்டிவ் கேரக்டரில் நடித்து வருகிறார் என்றும் இந்த படம் ரிலீஸ் ஆன பிறகு அவர் ரசிகர்கள் மத்தியில் மிகப்பெரிய அளவில் பேசப்படுவார் என்றும் கூறப்படுகிறது.

மேலும் இந்த படத்தில் சமுத்திரக்கனி, ஸ்மிருதி வெங்கட், கிருஷ்ணகுமார் உள்ளிட்ட பலர் நடித்து வருகின்றனர் என்பதும் ஜிவி பிரகாஷ் இசையில் உருவாகும் பாடல்களை விவேக் மற்றும் கார்த்திக் நரேன் எழுதியுள்ளனர் என்பதும் குறிப்பிடத்தக்கது. தனுஷ் ஜோடியாக முதன்முதலாக மாளவிகா மோகன் நடிக்கும் இந்த படத்தை சத்யஜோதி பிலிம்ஸ் நிறுவனம் பிரம்மாண்டமாக தயாரித்து வருகிறது.