தளபதி விஜய் நடித்து வரும் 64வது படத்திற்கு ‘மாஸ்டர்’ என்ற மாஸ் டைட்டில் வைக்கப்பட்ட தகவலை சற்றுமுன் பார்த்தோம். இந்த நிலையில் இந்த படத்தின் ஃபர்ஸ்ட்லுக்கை பெரிய திரையில் திரையிடுவதாக நெல்லையில் உள்ள ஒரு திரையரங்கில் அறிவிக்கப்பட்டது. இதற்காக இலவச டிக்கெட் வழங்கப்படுவதாக அறிவிக்கப்பட்ட தகவலை அடுத்து விஜய் ரசிகர்கள் அந்த தியேட்டரில் குவிந்தனர்.

மேலும் இன்றைய மாலை காட்சியிலும் இரவு காட்சியிலும் ‘மாஸ்டர்’ திரைப்படத்தின் ஃபர்ஸ்ட்லுக் போஸ்டர் இந்த திரையரங்கில் ஒளிபரப்ப திட்டமிடப்பட்டுள்ளது என்பது குறிப்பிடத்தக்கது.

மேலும் விஜய்யின் முந்தைய படங்களான மெர்சல், சர்கார் மற்றும் பிகில் ஆகிய திரைப்படங்களின் ஃபர்ஸ்ட்லுக் போஸ்டர் வெளியான அடுத்த நாளே செகண்ட்லுக் போஸ்டரும் வெளியானதால் அதேபோல் ‘மாஸ்டர்’ படத்தின் செகண்ட்லுக் போஸ்டரும் இன்று புத்தாண்டு பிறக்கும் நள்ளிரவு 12.00 மணிக்கு வெளியாகும் என கூறப்படுகிறது.

லோகேஷ் கனகராஜ் இயக்கத்தில் அனிருத் இசையில் உருவாகி வரும் இந்த படத்தில் விஜய், மாளவிகா மோகனன், விஜய்சேதுபதி, ஆண்ட்ரியா, சாந்தனு, அர்ஜூன் தாஸ், சஞ்சீவ், ஸ்ரீமான், ரம்யா, கெளரி கிஷான், தீனா உள்பட பலர் நடித்து வருகின்றனர்.