தளபதி விஜய் மற்றும் மக்கள் செல்வன் விஜய் சேதுபதி நடிப்பில் லோகேஷ் கனகராஜ் இயக்கத்தில் அனிருத் இசையில் உருவான திரைப்படம் ’மாஸ்டர்’, இந்த திரைப்படம் கடந்த ஜனவரி 13-ஆம் தேதி உலகம் முழுவதும் திரையரங்குகளில் வெளியானது என்பதும் இந்த திரைப்படம் வசூலில் சாதனை செய்தது என்பதும் தெரிந்ததே.

அதுமட்டுமின்றி திரையரங்குகளில் வெளியாகி 16 நாட்களில் ஓடிடியிலும் வெளியாகி சக்கைபோடு போட்டது என்பதும் குறிப்பிடத்தக்கது. லாக்டவுனுக்கு பின்னர் ஒரு திரைப்படம் 50 நாட்கள் திரையரங்குகளில் திரையிடப்படுவது என்ற சாதனையையும் ’மாஸ்டர்’ திரைப்படம் செய்துள்ளது என்பது குறிப்பிடத்தக்கது

இந்த நிலையில் இன்று ’மாஸ்டர்’ படத்தின் 50வது நாள் விழாவை விஜய் ரசிகர்கள் சிறப்பாக கொண்டாடி வருகின்றனர். அந்த வகையில் இயக்குனர் லோகேஷ் கனகராஜ் தனது ட்விட்டர் பக்கத்தில் வீடியோ ஒன்றை வெளியிட்டுள்ளார். அந்த வீடியோவில் ’மாஸ்டர்’ படத்தின் படப்பிடிப்பின் போது எடுக்கப்பட்ட சில காட்சிகள் உள்ளன. குறிப்பாக விஜய் மற்றும் விஜய் சேதுபதி மோதும் கிளைமாக்ஸ் காட்சியின் படப்பிடிப்பின்போது எடுக்கப்பட்ட சில மாஸ் காட்சிகளும் உள்ளன என்பதும் இந்த வீடியோ தற்போது வைரல் ஆகி வருகிறது என்பதும் குறிப்பிடத்தக்கது.

No matter how many ever times I say, it ain’t enough!! Thank u @actorvijay na & @VijaySethuOffl na ???????? pic.twitter.com/1qAPXRj3IM

— Lokesh Kanagaraj (@Dir_Lokesh) March 3, 2021