சூர்யாவின் 'தானா சேர்ந்த கூட்டம்' சமீபத்தில் வெளியாகி நல்ல வெற்றியை பெற்றதை அடுத்து அவர் தற்போது செல்வராகவன் இயக்கத்தில் உருவாகி வரும் படத்தில் நடித்து வருகிறார்.

இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் தற்போது வில்லன் கேரக்டருக்கு பிரபல மாஸ் தெலுங்கு நடிகர் ஜெகபதிபாபு ஒப்பந்தமாகியுள்ளார். இவர் ஏற்கான்வே விக்ரம் நடித்த 'தாண்டவம்', 'விஷால் நடித்த 'கத்திச்சண்டை' மற்றும் விஜய் நடித்த 'பைரவா' படங்களில் வில்லனாக நடித்தவர் என்பது குறிப்பிடத்தக்கது.

சூர்யாவுக்கு தமிழகத்தை போலவே தெலுங்கு மாநிலங்களிலும் மிகப்பெரிய ரசிகர் கூட்டம் இருக்கின்றது என்பது தெரிந்ததே. இந்த நிலையில் தெலுங்கு மாஸ் நடிகர் இந்த படத்தில் இணைந்தது கூடுதல் பலமாக கருதப்படுகிறது.

சூர்யா, சாய்பல்லவி, ரகுல் ப்ரித்திசிங் நடிப்பில் உருவாகி வரும் இந்த படத்திற்கு யுவன்ஷங்கர் ராஜா இசையமைத்து வருகிறார். சமீபத்தில் தீரன் அதிகாரம் ஒன்று, அருவி உள்பட தொடர்ச்சியாக பல வெற்றிப்படங்களை தயாரித்து வரும் ட்ரீம் வாரியர்ஸ் பிக்சர்ஸ் நிறுவனம் இந்த படத்தை தயாரித்து வருகிறது.