கடந்த சில வருடங்களாக தென்னிந்திய திரைப்படங்களில் இரண்டு மாஸ் நடிகர்கள் அல்லது இரண்டுக்கும் மேற்பட்ட மாஸ் நடிகர்கள் நடிக்கும் படங்கள் அதிகமாக வெளியாகி வருகின்றன என்பதும் இவ்வாறான படங்கள் மிகப்பெரிய வெற்றியை பெற்று வருகின்றன என்பதையும் பார்த்து வருகிறோம்.

குறிப்பாக ’ஆர்.ஆர்.ஆர்’ திரைப்படத்தில் ராம்சரண் தேஜா, ஜூனியர் என்.டி.ஆர், அஜய்தேவ்கான் ஆகியோர்களும், ‘விக்ரம்’ திரைப்படத்தில் கமல்ஹாசன், விஜய்சேதுபதி , பகத் பாசில் உள்ளிட்ட பிரபலங்கள் நடித்திருந்தனர்.

இந்த நிலையில் தமிழ் திரை உலகின் முக்கிய நடிகர்களில் ஒருவரான தனுஷ் உடன் பிரபல மாஸ் நடிகர் ஒருவர் இணைய உள்ளதாக தகவல் வெளியாகி உள்ளது. ஆம் தனுஷ் நடிக்கும் திரைப்படத்தில் ஆர்ஆர்ஆர் நாயகன் ஜூனியர் என்டிஆர் நடிக்க இருப்பதாகவும் இது ஒரு இரண்டு ஹீரோ கதை அம்சம் கொண்டது என்றும் கூறப்படுகிறது. இந்த படத்தை வெற்றிமாறன் இயக்க இருப்பதாகவும், சூர்யாவின் ‘வாடிவாசல்’ படத்தை முடித்துவிட்டு அவர் இந்த படத்தை தான் இயக்க திட்டமிட்டு இருப்பதாகவும் கூறப்படுகிறது.

மேலும் இந்த படத்தை பிரபல தயாரிப்பாளர் எல்ட்ரெட் குமார் தயாரிக்க இருப்பதாகவும் இந்த படத்தின் அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது.