தென்னிந்திய நடிகர் சங்கத்தேர்தலில் பிசியாக இருக்கும் விஷால், தேர்தல் முடிந்தவுடன் 'கொம்பன்' பட இயக்குனர் முத்தையாவின் இயக்கத்தில் உருவாகவுள்ள 'மருது' படத்தின் படப்பிடிப்பில் கலந்து கொள்வார் என கூறப்படுகிறது. இந்நிலையில் இந்த படத்தின் ஆரம்பகட்ட பணிகளை படக்குழுவினர் விறுவிறுப்பாக செய்து வருகின்றனர்.

முதலில் இந்த படத்தில் நடிக்கும் நடிகர், நடிகைகளை இறுதி செய்வதில் இயக்குனர் முத்தையா தீவிரமாக உள்ளார். இந்நிலையில் இந்த படத்தில் வில்லனாக நடிக்க ஆர்.கே.சுரேஷ் தேர்வு செய்யப்பட்டுள்ளதாக கூறப்படுகிறது. இவர் 'சூது கவ்வும்', 'இதற்குத்தானா ஆசைப்பட்டாய் பாலகுமாரா' போன்ற படங்களின் விநியோகிஸ்தர் என்பது குறிப்பிடத்தக்கது.

ஏற்கனவே ஆர்.கே.சுரேஷ், பாலாவின் 'தாரை தப்பட்டை' படத்தில் முக்கிய வேடத்தில் நடித்திருக்கும் நிலையில் தற்போது 'மருது' படத்தில் வில்லனாக நடிகக்வுள்ளார். இந்த தகவலை ஆர்.கே.சுரேஷ் தனது சமூக வலைத்தள பக்கத்தில் உறுதி செய்துள்ளார்.

'மருது' படத்திற்கு பிரபல ஒளிப்பதிவாளர் வேல்ராஜ் ஒளிப்பதிவு செய்யவுள்ளார்.