మారుతి కొత్త ప్లాన్‌...
- IndiaGlitz, [Thursday,November 09 2017]
డైరెక్ట‌ర్ మారుతి ద‌ర్శ‌కత్వం వైపే కాకుండా నిర్మాణ రంగంలో కూడా త‌న‌దైన రీతిలో రాణిస్తున్న సంగ‌తి తెలిసిందే. మారుతి టాకీస్ అనే బ్యాన‌ర్‌ను స్థాపించి, త‌న శిష్యుల‌కు ద‌ర్శ‌కులుగా అవ‌కాశం ఇస్తూ వ‌స్తున్నాడు.
అందులో భాగంగా మారుతి కొన్ని సినిమాల‌కు క‌థ, మాట‌ల‌ను కూడా అందిస్తుండ‌టం విశేషం. ఇప్పుడు సినిమాల‌తో పాటు వెబ్ సిరీస్‌ల‌ను కూడా నిర్మించ‌డానికి మారుతి రంగం సిద్ధం చేసుకుంటున్నాడ‌ని స‌మాచారం.
వివ‌రాల్లోకెళ్తే..మారుతి రెండు వెబ్ సిరీస్‌ల‌ను నిర్మించ‌బోతున్నాడ‌ట. వీటికి త‌నే క‌థ మాట‌ల‌ను అందిస్తాడ‌ట. మారుతి శిష్యులే ఈ సిరీస్‌ల‌ను తెర‌కెక్కిస్తార‌ట. త్వ‌ర‌లోనే వీటి వివ‌రాలు తెలియ‌నున్నాయి.