கமல் இல்லாத மருதநாயகமா? ரசிகர்கள் அதிர்ச்சி
- IndiaGlitz, [Thursday,October 24 2019]
உலகநாயகன் கமல்ஹாசனின் கனவுப்படங்களில் ஒன்று ‘மருதநாயகம்’. இந்த படம் இரண்டாம் எலிசபெத் ராணி மற்றும் அன்றைய தமிழக முதல்வர் கருணாநிதி ஆகியோர்களால் கடந்த 1999ஆம் ஆண்டு தொடங்கி வைக்கப்பட்டது. ஆனால் பட்ஜெட் உள்ளிட்ட ஒருசில காரணங்களால் இந்த படம் தள்ளிபோனது. படம் தொடங்கப்பட்டு கிட்டத்தட்ட 20 வருடங்கள் ஆகிவிட்டபோதிலும் இந்த படம் அடுத்தகட்டத்திற்கு நகரவில்லை
இந்த நிலையில் ‘பாகுபலி’ சைரா நரசிம்மரெட்டி’ போன்ற சரித்திரப்படங்கள் தற்போது மிகப்பெரிய பட்ஜெட்டில் உருவாகி வெற்றி பெற்று வரும் நிலையில் ‘மருதநாயகம்’ படம் மீண்டும் உயிர்ப்பெறுமா? என்ற கேள்விக்கு கமல்ஹாசன் கூறியபதில் ரசிகர்களை அதிர்ச்சி அடைய செய்துள்ளது
‘மருதநாயகம் படத்தை நிச்சயம் திரையில் பார்ப்பீர்கள். ஆனால் அந்த படத்தை என்னோடு நீங்கள் பார்க்க முடியுமா? என்பது சந்தேகமே. ஏனெனில் மக்கள் நீதி மய்யம் கட்சியின் பணிகள் இருப்பதால் அந்த படத்திற்கு என்னால் அதிக நேரம் ஒதுக்க முடியாத சூழலில் உள்ளேன். மக்கள் பணியை பாதிக்காத வகையில் உள்ள படங்களை மட்டுமே நான் தற்போது ஒப்புக்கொண்டு வருகிறேன். ஏனெனில் எனது மீதி இருக்கும் காலம் இனி மக்களுக்கானது’ என்று கூறினார்
இந்த நிலையில் கமல் இல்லாத மருதநாயகமா? என அவரது ரசிகர்கள் அதிர்ச்சி அடைந்துள்ளனர்.