நடிகை லாவண்யா திரிபாதிக்கு நிச்சயதார்த்தம்.. மாப்பிள்ளை இந்த பிரபல நடிகர் தான்..!
- IndiaGlitz, [Wednesday,May 17 2023]
பிரபல நடிகை லாவண்யா திரிபாதிக்கு அடுத்த மாதம் நிச்சயதார்த்தம் நடைபெற இருப்பதாகவும் பிரபல தெலுங்கு நடிகர் தான் மாப்பிள்ளை என்றும் கூறப்படுகிறது
சசிகுமார் நடித்த ‘பிரம்மன்’, சிவி குமார் இயக்கத்தில் உருவான ’மாயவன்’ ஆகிய திரைப்படங்களில் நடித்தவர் நடிகை லாவண்யா திரிபாதி. தற்போது அவர் ‘தணல்’ என்ற திரைப்படத்தில் நடித்து வரும் நிலையில் பல தெலுங்கு படங்களிலும் இவர் நடித்துள்ளார் என்பது குறிப்பிடத்தக்கது.
இந்த நிலையில் லாவண்யா திரிபாதி, தெலுங்கு நடிகர் வரும் வருண் தேஜ் என்பவரை கடந்த சில ஆண்டுகளாக காதலித்து வந்த நிலையில் தற்போது இந்த காதல், திருமணத்தை நோக்கி சென்று கொண்டிருப்பதாக கூறப்படுகிறது
பழம்பெரும் தெலுங்கு நடிகர் நாகேந்திர பாபுவின் மகன் வருண் தேஜ் தற்போது தெலுங்கு திரையுலகின் முன்னணி நடிகர்களில் ஒருவராக உள்ளார். வருண் தேஜ் - லாவண்யா திரிபாதி திருமண நிச்சயதார்த்தம் அடுத்த மாதம் நடைபெற இருப்பதாகவும் இந்த ஆண்டுக்குள் இவர்களது திருமணம் நடைபெறும் என்றும் கூறப்படுகிறது. இதனை அடுத்து நடிகை லாவண்யாவுக்கு அவரது ரசிகர்கள் வாழ்த்துக்களை தெரிவித்து வருகின்றனர்