பிக்பாஸ் முதல் சீசனின் டைட்டில் வின்னர் ஆரவ் நடித்துள்ள ’மார்க்கெட் ராஜா எம்பிபிஎஸ்’ என்ற படத்தின் இசை வெளியீட்டு விழா மற்றும் ட்ரெய்லர் வெளியீட்டு விழா இன்று நடைபெற்றது. இந்த விழாவில் இந்த படத்தில் முக்கிய கேரக்டரில் நடித்துள்ள நடிகை ராதிகாவுக்கு படக்குழுவினர் ’நடிகவேல் செல்வி’ என்ற டைட்டிலை அளித்துள்ளனர். ’நடிகவேல் என்பது அவருடைய தந்தை எம் ஆர் ராதா அவர்களுக்கு வழங்கப்பட்ட பட்டம் என்பது குறிப்பிடத்தக்கது

இந்த விழாவில் ராதிகா பேசிய போது ’எனது தந்தையின் டைட்டிலுடன் கூடிய பட்டம் எனக்கு கிடைத்தது மிகவும் மகிழ்ச்சியாக உள்ளது. இந்த பட்டம் கிடைத்தது அவரது ஆசை கிடைத்தது போலவே நான் கருதுகிறேன். ஆரவ் மற்றும் மற்றும் இசையமைப்பாளர் சைமன் கிங் ஆகிய இருவரும் இந்த படத்தில் மிகவும் கடினமாக உழைத்துள்ளார்கள். மேலும் இயக்குனர் சரண் மீது நாம் எப்பொழுதுமே ஒரு மரியாதை வைத்திருக்கிறேன். அவருடைய படைப்புகள் அனைத்தும் மிகவும் நேர்த்தியாக இருக்கும். இந்தப் படத்தில் எனது தந்தையை ஞாபகப்படுத்தும் வகையில் எனது கேரக்டர் அமைத்துக் ர் கொடுத்த இயக்குனர் சரண் அவர்களுக்கு நான் நன்றி கூறிக் கொள்கிறேன் என்று கூறினார்

இதே விழாவில் கலந்து கொண்ட ராதிகாவின் கணவரும் நடிகருமான சரத்குமார் ’40 வருடங்கள் திரைத்துறையில் நடிகை ராதிகா பணி புரிந்து கொண்டிருப்பதை நான் பெருமையாக கருதுகிறேன். உண்மையில் அவர் தான் ரியல் சூப்பர் ஸ்டார். பல நடிகைகளுக்கு அவர் ஒரு உந்துதலாக இருந்து வருகிறார். தற்போதைய நிலையில் நடிகைகள் ஐந்து வருடம் கூட தாக்குப் பிடிக்காத நிலையில் இவர் 40 வருடங்கள் திரையுலகில் இருப்பது பெருமைக்குரியதாக கருதப்படுகிறது என்று கூறினார்

இந்த படத்தின் நாயகன் ஆரவ் பேசியபோது ’ராதிகா அவர்கள் எனது தாயார் ஆக இந்த படத்தில் நடிக்க உள்ளதாகவும் ஏற்கனவே அவர் ’தெறி’ படத்தில் விஜய் தாயாராக நடித்ததை தான் மிகவும் ரசித்ததாகவும் கூறினார். இந்தப் படம் விரைவில் வெளியாக உள்ளது