மீண்டும் இணையும் வடிவேலு - மாரி செல்வராஜ்.. இம்முறை ஹாலிவுட் பட ரீமேக்?
- IndiaGlitz, [Saturday,July 08 2023]
மாரி செல்வராஜ் இயக்கத்தில் உதயநிதி, கீர்த்தி சுரேஷ், வடிவேலு நடித்த ’மாமன்னன்’ என்ற திரைப்படம் சமீபத்தில் வெளியானது என்பதும் இந்த படம் பாசிட்டிவ் விமர்சனங்களை பெற்றது மட்டுமின்றி வசூலிலும் சாதனை செய்து வருகிறது என்பதும் குறிப்பிடத்தக்கது.
இந்த படத்தில் வடிவேலுவின் நடிப்பை பாராட்டதவர்களே இல்லை என்று சொல்லலாம். அந்த அளவிற்கு அவர் குணசித்திர வேடத்தில் கலக்கியிருந்தார் என்பது தெரிந்ததே
இந்த நிலையில் மாரி செல்வராஜ் இயக்கும் அடுத்த படம் என்னவாக இருக்கும் என்ற எதிர்பார்ப்பு ஏற்பட்டு இருக்கும் நிலையில் விரைவில் இது குறித்த அதிகாரப்பூர்வ அறிவிப்பு வெளியாகும் என்று கூறப்படுகிறது.
இந்த நிலையில் மாரி செல்வராஜ் இயக்கத்தில் வடிவேலு மீண்டும் ஒரு திரைப்படத்தில் நடிக்க இருப்பதாகவும் இந்த திரைப்படம் என்ற ”Life Is Beautiful” என்ற ஹாலிவுட் படத்தின் ரீமேக் என்றும் கூறப்படுகிறது.
கடந்த 1997 ஆம் ஆண்டு வெளியான இந்த ஹாலிவுட் படம் உலகம் எங்கும் சக்கை போடு போட்ட நிலையில் இந்த படத்தை தமிழ் ஏற்றவாறு மாற்றம் செய்து வடிவேலுவை வைத்து மாரி செல்வராஜ் இயக்க இருப்பதாக கூறப்படுகிறது. இது குறித்து அறிவிப்பு விரைவில் வெளியாகும் என்று எதிர்பார்க்கப்படுகிறது.